نكت جديدة 100 %

موضوع: نكت جديدة 100 % الجمعة مارس 27, 2009 6:05 pm

واحد غبي ركب العربية بالليل و لقى الدركسيون و الفرامل مسروقين ... فراح القسم وعمل محضر سرقة ... تانى يوم الصبح راح لاغى المحضر ليه؟؟؟؟؟؟؟؟ إكتشف انه كان راكب ورا

واحد قابل صاحبه قاله بقي يا راجل اشوفك امبارح انت و المدام في البلكونة و متسلمش عليا؟؟؟؟؟ قال له لا و الله مش انا

محشش .... سألوه ايه اصعب حاجة في الدنيا ؟؟ قالهم : اني أحدد السكسوكة وانا بآكل لبانة

واحد بخيل عنده 4 اولاد ..... جاب لهم حته لحمة ، وقال لهم: كل واحد يمضغها ويديها للي جانبه

واحد حب يوقف اتوبيس لكنه ماوقفش ... فجرى وراه لحد ما وصل البيت فقال لمراته افرحى النهارده انا وفرت 10قروش .... فقالت له يا خيبتك مش كنت تجرى ورا تاكسى كنت وفرت تلاته جنيه

واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني حاجة تانية فسموه جحش....فراح لمراته فرحان بيقول لها مش الناس خلاص سموني جحش .. قالت له وهي غضبانة.....اتنيل م انت بكره تكبر وتبقي حمار تاني

مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى..... رجع بعد ساعتين لقى اخوه بيعيط وبيقوله القطه ماتت.... قاله مش قولتلك لو غسلتها هاتموت ، قاله ماماتتش و انا بغسلها ماتت و انا بعصرها

مره واحد عدى على واحد صاحبه بخيل اوى...... لقاه حاطط ايده على عين الشمال وبيبص بالتانيه... بيقوله مال عينك ؟ قالوا م انا شايفك بواحده . اشغل التانيه ليه!
واحد راح للدكتور قالوه انا عندي صداع قالوا الدكتور انتا بتنام والشبك مقفول ولا مفتوح قالو مقفول ، قالو الدكتور افتحوا ....تاني يوم جالو الراجل .. فقالو الدكتور ها راح الصداع ؟ قالوا : الصداع راح.....والبوتجاز راح......والتلفزيوون راح.... و....و

سواق قتل 60 واحد في حادثة.... لما سأله الظابط ليه قتلتهم؟ قال له كنت ماشي وبعدين فجاة العجلة ضربة ..ولقيت على يميني فرح وعلى شمالي راجلين ... ادخل في مين ؟ قاله الظابط ادخل في الراجلين.. قاله م انا دخلت في واحد والتاني دخل الفرح

مرة واحدة ست قالت لإبنها :خد الفلوس دى وروح هاتلى دواء يصغرنى عشرين سنة فراح الولد يحيب لها الدواء ورجعا إداها الدواء .. و راح المدرسة....... رجع الولد لقى والدته صغرة عشرين سنة قال لها: إنت صغرتى قوى يا ماما ، بس إيه العيل اللى فى إيدك دة قالت له:إسكت يا واد مش أبوك شرب العلبة كلها

واحدغبي راكب مع ابوه العربيه ابوه قاله اقفل الشباك ياولد الجو برد ... الولد قاله ياسلام عليك اما انت عليك تقاليع هوا يعني لما اقفل الشباك الدنيا بره هتحرر؟

فيل ونمله ماشين على البحر... فجأه الفيل رمى نفسه فى البحر ليه ؟؟؟؟؟؟؟....... أخو النمله جاى وراهم

واحد اخنف واقع فى بئر مايه ...فمر علية واحد وكان اخنف برضه ، قالة اطنعك ...رد قالة ايوه طنعنى.... قال بتألس علي طيب مش حطنعك

موضوع: رد: نكت جديدة 100 % الجمعة مارس 27, 2009 6:33 pm

ههههههههههههههههههههه...

حلويــــــــــــــــــــــــــــن ...

شكـــــــــــــــــــــــــــــراُ...

موضوع: رد: نكت جديدة 100 % الجمعة مارس 27, 2009 7:23 pm

هههههههههههههههههههههههههههههههههههههههههههههه
جامدين جدا يازينه أيوة كدة ضحكينا هيا دي الضحكه الحلوة
تسلم إيدك ياقمر ولازم تجيبلنا الجديد والجديد من النكت الجميله دي

موضوع: رد: نكت جديدة 100 % السبت مارس 28, 2009 5:15 am

نكت جميلة تسلمى على النكت اقروا بقى النكت دى واضحوا

واحد صعيدى اتاوب نسى بقه مفتوح

اتنين محششين قاعدين فوق عمارة 10ادوار فجأة طلعلهم وقال الحق يا ابراهيم البيت بتاعكوا وقع وامك وابوك واخواتك ومراتك وعيالك وكل اللى كانوا فى البيت ماتوا قام باصصلوا وقالوا فى هدوء امتى قالوا من شوية راح باصص لزميله وقالوا انا لازم انتحر الدنيا مش هيبقى ليها طعم بعد اللى عرفتة دة وطلع فوق سور العمارة فى الدور العاشر ونط وهو فى الدور التامن افتكر انه وحيد فى الدور الخامس افتكر انه مش متجوز فى الدور التالت افتكر ان ابوه وامة ميتين من زمان وهو فى الدور الاول افتكر انه مش اسمه ابراهيم

بخيل جاب 3 برتقالات اول واحدة لاقها معفنة رماها والتانية لاقاها معفنة رماها التالتة طفى النور وكلها

بخيل اتجوز بخيلة خلفوا بنت سموها حصالة

دكتور سنان جاب عود قصب لاقاه مسوس حشاه ومصه

استاذ وابلة اتجوزوا كتبوا الكتاب على السبورة

مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما كلته.

مرة واحد مسطول بيلعب كورة اخد الكورة على صدره طلعها من مناخيره

بلدياتنا بيوقف تاكسي فسأله: فاضي يااسطة فقال له ايوة فاضي
فقال له طيب ماتيجي تقعد معايا شوية

سواق تاكسي قعدت جنبه بنت حلوة قوي قاللها : تعرفي تسوقي؟
قالتله : لأ
قالها : أنا تسوقي

واحد راكب عربية صغيرة جدا ماشى بيها فى شارع صغير و و احد تانى راكب عربية كبيرة جدا وكل واحد عاوز يعدى من الشارع .المهم صاحب العربية الصغيرة بكل فخر قال لصاحب العربية الكبيرة:انت عارف العربية دى فيها ايه رد و قالوه لا قالوه العربية دى فيها عفريت قالو ورينى كده دعك العربية طلع منها عفريت كبير وقال:شبيك لبيك تطلب ايه قالو 2شاى و جاب الشاى المهم صاحب العربية الكبيرة أشترى العربية الصغيرة مقابل الكبيرة ودعك العربية بعد ما أشتراها و طلع العفريت قاله انا عاوز دهب وفلوس قاله اسف انا بعمل شاى بس

مرة واحدة قالت لحبيبها البخيل
اكلها معاك بدقة اعيش معاك فى جحر...... راح قال انتى ليه مادية قوى كدة يا حبيبتى

مرة واحد جزار قال لمراتة : انت ما حطيطيش
احمر لية قالتلة: الاحمر خلص احطلك دهن

مرة واحد صعيدي حب يعمل روش
كتب على الشومة أديدس

موضوع: رد: نكت جديدة 100 % السبت مارس 28, 2009 1:33 pm

هههههههههههههههههههههه
شكرا على الاضافة الجمده دى
وكل سنه وانت طيب بما ان عيد ميلادك قرب

موضوع: رد: نكت جديدة 100 % السبت مارس 28, 2009 6:02 pm

وانتى طيبة

موضوع: رد: نكت جديدة 100 % السبت مارس 28, 2009 6:52 pm

تسلم ايدك يا زينه انتى ونور
بجد نكت جميله جدا

موضوع: رد: نكت جديدة 100 % السبت مارس 28, 2009 7:26 pm

هههههههههههههههه بصراحة كلهم حلوين شكرا ليكم

موضوع: رد: نكت جديدة 100 % الأحد مارس 29, 2009 1:45 pm

هههههههههههههههههههههه
حلوة اوى النكت يا زينة

ههههههههههههههههههههههه

جامده اوى والله

تسلم ايديك