مــا هـــو السؤال الذي لاتـــحب ان يسالـــك به احد ؟؟

السلام
عليكم ورحمة الله وبركاته
سوف نعتبر أنفسنا في مواجهة صريحة مع النفس ونكتب هنا
بصراحة عن رأينا فيما يلي :
مــا هـــو السؤال الذي لاتـــحب ان
يسالـــك به احد ؟؟
ولا تحب الا جابة علية؟؟؟
اريد تحديد السؤال !! ولماذا
لا تحب ان يسألك به احد ؟ ؟
اي سؤال لا تحبون أن يسألكم احد به ... يلا ابتدوا
... من عنده الشجاعة الأول...
بعض النساء لا تحب ان يسالها احد عن عمرهااااااا؟؟؟ او
هل انت على علاقة الآن ؟؟ ومن تفضلين؟؟ ..الخ
وبعض الرجال لا يحبون ان يسالهم اي
شخص مهما كان ( كم راتبك )!!!!!!! او هل تحب زوجتك ؟؟ او اسم زوجتك ؟؟؟ كنت فين؟؟
.....الخ
ارجو المشاركه وبصراحة.....

انا مبحبش حد يسألنى
ماااااااااااالك
حتى لو كان مين الشخص ده
فى أى موقف من المواقف
ومبحبش كمان الالحاح والاضطرار فى الاجابه
وشكرا يا دربكه على موضوعك الجميل ويا ريت كل الناس تدخل وتشارك

تسلمي ياقمر علي مشاركتك في الموضوع ومستنين باقي الأعضاء

مش بحب حد يسالنى انتى شايفة انك غلطى ولا لا

نيس توبيك يامدحت

ميرسى ياقمر

سؤال بيخنقنى اوى

لما حد يقولى ...ها واية العمل دلوقتى؟؟؟

بحس وقتها ان الدنيا بتكون كلها مقفلة فوشى

ومبحبش حد يسالنى سؤال تانى كدة

بيخنقنى اوى ....لما واحدة تيجى تقولى ...هاااااااااااا انتى لسة متخطبتيش

اية دة مش عارفه هى زعلانة ولا شمتانة ولا اهى مالها اصلا؟؟؟؟

والله ماعرف بجد أسئله غريبه يا سمسمه
اللى بيخنقنى أكتر عكس سؤالك يا سمسمه
....... ايه اللى خلاكى تتخطبى بدرى كده؟؟؟؟...........
وهما مالهم مش عارفه

انا بقى اللى بيخنقنى فى الاسئلة لما حد يسألنى عن عمرى

طبعا هتستغربوا

انا اللى بيخنقنى فى كدة ان انا شكلى صغير جدا عن سنى ويسلام بقى لما يعرف سنى

اسمع تريقة الإبل بتتقال (ايه دة انت عندك 21 سنة دانت اخرك 18 سنة )

يعنى بمعنى اصح انا بعذر محمد هنيدى بس فيه بعض ناس بيبقى الموضوع دة عندها عادى لما بتشوف السكسوكة وبتسمع صوتى
وهو ده السؤال اللى مش بحب اتسألوا

ونيس توبيك يا مدحت

سؤالى بقى
لما حد يقولى انتى فى سنة كام؟
ولما يعرفو انى فى كلية اصلا يا سلام
انتى بجد فى كلية
دا انتى اخرك ثانوية عامة ويمكن اعدادى كمان

طيب وانا اعمل ايه يا عنى اكتب يافطة بسنى ولا اصور البطاقة واعلقها بدبوس مع منديل

تسلم يامدحت على موضوعك الجميل

اكتر سوالين يخنقونى سنك كمان شكلك اصغر من سنك وكده
وانتى نايمه لحد دلوقتى ليه ؟

ميرسى يا مدحت على التوبيك الهايل ده .

اكتر سؤال بيعصبنى هو انتى ليه سبتى خطيبك ؟
انتى فى حد فى حياتك ؟
طبعا بيبقى هاين عليا اقولهم انتوا مالكوا لانهم بيقلبوا المواجع كلها عليا