عيش حياتك ماحدش واخد منها حاجه

السلام عليكم ندخل في الموضوع علطول:-
ليه كل حاجة نتعب نفسنا و نكبر المواضيع و نعمل من
الحبة قبة كدة بجد، هي الحياة تسوي ايه؟، ايه يستاهل دمعتنا ولا حزننا؟، ولا حاجة،
ايه عشت حياتك، كبرت، خدت ثانوية عامة و كلية و اشتغلت، اتجوزت و بقي عندك عيلة،
تعيش فقير تعيش غني، ساكن في فيللا ساكن فوق سطوح، تعبان مستريح، ايه الفرق، هي
الدنيا ايه؟، كام سنة تتعب يا سيدي، 60؟، 70، 80؟، حتي لو عشت 100 سنة، العمر قصير،
و مفيش حاجة تستاهل دمعتك، اتجرحت، فشلت، احلامك ضاعت، عادي، ربنا خلقلنا نعمة
اسمها النسيان،وقعت، قوم اقف علي رجلك و ابدأ من الاول، هتخسر ايه؟ هتخاف علي ايه؟
ما كله من عند ربنا، و محدش بياخد اكتر من رزقه و نصيبه

عيش حياتك، عمرك ما
تكشر، خليك وانت عندك 70 سنة، بيان عليك عندك 20 سنة، مهو الشباب شباب القلب،
متشيلش علي نفسك هموم الدنيا،كبر الجي و روق الدي و خلي الحياة حلوة و خليها ايزي،
محدش واخد منها حاجة، كل حاجة بجد ملهاش لازمة، هي الدنيا ايه غير عمر قصير، المهم
اللي بعد الدنيا يا جماعة، اكسبوا آخرتكم و اوعوا تخسروها، عشان دي الحاجة اللي
مينفعش فيها الندم Sad

فعلا يا دربكة كلامك مظبوط محدش واخد منها حاجة
بس لازم نعمل اللى علينا

ولو علينا مسؤلية لازم نكون قدها غير كدة يبقى عيش حياتك

كلام ...بجد حلو اوى ...بس اوقات كتير التنفيذ بيكون صعب

لان مهما كان احنا بشر ...وعدم الحزن لفقدان اوخسارة شىء يعنى عدم الشعور بمعناه او اهميتة

وزى ما النسيان نعمة ...الحزن بردو نعمه

انا مش بقول نتقوقع فصومعه الحزن ...لكن بيكون فيه جرح او شرخ لازم لازم ياخد وقتة

ولا ..ايييييه؟؟؟؟

تسلم بجد يادربكه موضوع جميل وبجد كلامك كله صح

موضوعك جميل وكلامك صح بس المشكلة اننا مش بنقدر نعمل كدة لازم الحزن يكون موجود فى حياتنا ليه مش عارفة بس ادينا بنحاول شكرا يا دربكة على نصيحتك الجميلة اللى فى الاخر

تسلم على موضوعك

وكلام ممتاز

تسلموا جميعا علي ردودكم
ويارب يجعل حيتنا كلها فرح ويبعد عننا الحزن يارب

حلو اوى الموضوع يا دربكة وزى ما الكل قال لازم بردو يكون فيه حزن فى حياتنا زى ما فيه الفرح بس الشاطر اللى ميخليش حزنه يسيطر عليه ويقدر يستفيد منه ويقف تانى على رجليه ويقول انا موجود ومفيش حاجة هتزمنى ولا تقضى عليا

شكرا يا مدحت على كلامك بجد حلو

حياتنا من صنع أفكارنا...فلو ساورتنا أفكار سعيدة كنا سعداء...وان تملكتنا أفكار حزينة اصبحنا أشقياء...وان خامرتنا أفكار مزعجة تحولنا خائفين جبناء...

كما للحزن أبواب للفرح ايضاً أبواب ...نحن من نشكل السعادة ...ونحن أيضاً من ننزع التعاسة ...جميل في المرء أن ينسى الحزن ...والأجمل منه أن يتذكر نصيبه من السعادة...

(الاعمى يتمنى أن يشاهد العالم...والاصم يتمنى سماع الاصوات...والمقعد يتمنى المشي خطوات ...والابكم يتمنى أن يقول كلمات...وأنت تشاهد وتسمع وتمشي وتتكلم...فهل شكرت رب الأرض والسماوات؟؟؟)

نـــــــــــــــــــايس توبيــــــــــــــــك ...
شكــــــــــــــــــــــــــــراً...

كلام جــــــــــــــــامد شكـــــــــــــــرا ليك

نايس يا ولا يا مدحت وبعدين

انت اكبد عارف رايى فى الموضوع ده

بعد ازنك يا مدحت

انت كده عامل موضوع دعوة للفشل

هههههههههههههههههههههههههه

الموضوع جميل والله

بس يعنى لازم نتحمل مسؤليه

بناء حضارة كويسه

ومش ينفع نبنى حضاره غير بالنجاح

وبس

مشكور اوى يا دربكا ع الموضوع الجميل فعلا الواحد مش واخد منها حاجة والله
تسلم ايديك

فعلا محدش واخد منها حاجة بس علشان الواحد
مش واخد من دنيتة حاجة لازم يستعد لاخرتة
هو دى اللى هينفعنا ويبقى عملنا حاجة فى دنيتنا

والله عندك حق فى كل كلمه قولتها
تسلم ايدك

بس بس بس بس بس بس بس بس

سيبك من ده كله انا اللى عاجبنى فى الليلة دى كلها التوقيع بتاعك

جامد اوى

مرسي ليك يا نور بس مش أحسن من توقيعك ياباشا

مش هاسيبه إلي إما يدوخ

كل كلامك صح بس احنا بطبيعتنا بنتاثر بكل شى يحصل ياريت لو فعلا الواحد يقدر يكبر دماغة بس المشكلة ان فى حاجات ماينفعش تكبر فيها دماغك

وتسلم ايدك نايس توبيك

ايه ياعم دربكه انته دماغك عاليه اوي بس انا متفق معاك