غمض عنيك وإحلم معانا

كلنا بييجي علينا وقت نحلم بحاجات بنتمناها

احلام يقظة

سواء قادرين نحققها او بنحلم بيها واحنا عارفين انها مستحيلة

بس برده بنحلم

نحلم بموقف

او حتى حياة

نحلم اننا طايرين .. راكبين او ماشيين

نحلم بكائنات من كوكب آخر

نحلم اننا رجعنا للماضي

او سافرنا للمستقبل

المهم اننا بنحلم

مهما كانت احلامنا خيال ومهما كانت غير واقعية

من حقنا نحلم

ولأننا اخوات عايز نتشارك في احلامنا

عايز كل واحد مننا يغمض عينيه ويحلم

وبعد ما يحلم يحكيلنا الحلم بتاعه كان فيه ايه

يرسملنا صورة بكلامه عن الاماكن اللي شافها والشخصيات اللي قابلها

منتظركم

ومنتظر اسمع واشوف احلامكم

شكرا طبعا ليك يا مدحت على عالم الخيال اللى هتعيشنا فيه ولو للحظة او وقت صغير

انا الحقيقة الكام اسبوع اللى فاتو دول كان يجى مليون موضوع فى دماغى وكان نفسى اخرج من الدوامة اللى انا كنت عايشة فيها

اول حلم اقدر اقولك عليه ان نفسى الايام ترجع لورا شوية نقول مثلا لحد يوم 7/3 يعنى اول يوم تسجيل ليا فى المنتدى وابدا حاجات جديدة خالص. طبعا نفسى اتعرف على كل الناس اللى اتعرفت عليهم بس يمكن كان فيه شوية حاجات بسيطة اختلفت او انا اخدت بالى منها دا بما انى بحلم اقول بقى اللى انا عايزاه

تانى حاجة بتمناها انى اعتذر لشخص عزيز عليا اوى انا زعلته منى ونفسى يسامحنى او ينسالى الغلطة اللى انا عملتها لانى مش قادرة اسامح نفسى عليها وبقوله يا ريت فعلا يقدر يسامحنى عشان بعد كده اقدر اسلم عليه او اسال عنه

تالت حاجة احلم بيها انى الترم ده يعدى على خير واخلص الكلية بتاعتى ومش هطمع الترم ده واقول انى اجيب تقدير بس المهم اخلص لان الكلية دى خلاص انا جبت اخرى فيها وهيا خدت كل اعصابى وقربت اشد فى شعرى زى المجانين

رابع حاجة معليش هما كتير اصل انا طماعة
ان ربنا يرزقنى بشخص يكون ابن حلال وبيعرف ربنا اكمل معاه باقى عمرى

خامسا عايزة اغير شوية فى طريقة حياتى ونفسى والله يا جماعة اكون ناصحة شوية عشان صحابى بيقولولى ان انا على نياتى وتقريبا يعنى لدرجة العبط وانا مش شايفة دى حاجة وحشة بس مؤخرا انا اكتشفت ان الانسان مش المفروض يكون طيب اوى او يعنى يكون على نياته

وكفاية بقى طولت عليكو بس انا سرحت ونفسى كل حد يتمنى حاجة يقدر يحققها

شكرا تانى ليك يا مدحت على موضوعك الجميل ده وانا مبسوطة انى اول حد حلم فيه
ويا ريت نشوف الباقيين هيحلمو بايه

تسلم يامدحت على موضوعك الجميل ده

بحلم بحاجه ونفسى فى يوم احققه نفسى اعمل جمعيه خيريه (زى جمعية رساله) انا بحب المكان ده جدا وبحس انى طيره فى السما وملكه كل الدنيا بايدى لما بكون هناك وبسعد اى حد فنفسى اعمل جمعيه زيها ولو مش نفع نفسى ابطل كسل وقعاد وحب البيت واروح كتير هناك .
و
نفسى ارضى ربنا اولا طبعا وارضى كل الناس اللى اعرفهم يعنى واسعدهم كلهم .
وحلم شخصى بقى انا نفسى ابقى ناجحه سواء لو كملت واشتغلت او حتى لو قعدت فى البيت نفسى انجح .

تسلوما جميعا علي مشاركتكم في الموضوع وعاوزين نشوف باقي الأعضاء وأحلامهم

نيس نيس توبيك يامدحت

انا بقى نفسى اغمض عينى ولفتحها على يوم 19-6

يعنى كدة اتجاوز كل الفترة بتعا الامتحان وشدة الاعصاب اللى مسبباهالى سواء هى او المشروع النحس

بحلم انى اكون حد ناجح فشغله ناجح فحياته الشخصيه

بحلم يكون عندى ولد وبنت..طيعا هما غناى عن التعريف(اريج واياد)

بحلم ب حد يفهمنى حد اقدر ارمى حمولى وهمووومى عليه من غير مااشك فلحظة انه ممكن

يخذلنى..عطاااااء لاقصى درجة... يراعى ربنا فيه ... ويقدر مواقفى......

بس

ميرسى يامدحت عالتوبيك دة

أريكم حلمي وهو الحلم الذي لا اقدر أن أحلمه وأنا نايم لأني مابحلمشي وأنا نايم ياعني هاركز في النوم ولا في الأحلام هيا حجاه واحده
أولا أود أولا أن أتخرج بسلام من الكليه
ثانيا أود أن أفيد مجتمعي بكل ما أقدر وأنال الإعجاب من جميع الناس ولا أصبح كإنسان عادي لم يدخل جديد علي مجتمعه
ثالثا ودي أول حاجه هاعملها بعد مالقي شغل بإذن الله أذهب إلب بيت الله الحرام ليس بمفردي ولكن أخذ والدي وولدتي معايا لكي أوفي لهم بعض ماقدمه لي ولكن لا أقدر أن وأفي فضلهم كاملا
بعد كدة وأخيرا أبص لنصي التاني في الحياة دا لو بقي في العمر حياه وربنا يرزقني كدة ببنت الحلال إلي تشحططني أقصد تسعدني وأخيرا والمفروض أن تكون أولا أن أرضي المولي عز وجل في حياتي كلها وفي عملي

نايس توبيك يا ولا يا مدحت
احنا بنقول احلم مش افشر بطل كدب يالا مفيش ولا حاجه من الكلام ده فى دماغك

ولو حد هيقول انت دخلت فى دماغه وعرفت ايه اللى فيها هقوله دى مش عشره يوم دى عشره

20*365.25=

يعنى 7305 يوم اظن دول كفايه انى اعرف دماغك شغاله ازاى

انا بقى حلمى كبير اووووووىونفسى بتحقق نفسى ارضى ربنا اوى حسه انى بجد مقصره فى وجباتى تجاه ونفى احس بالرضى والراحه النفسيه ونفسى اروح عند الكعبه وابكى من جوه قلبى واشكى لربى همومى واحس انه بجد رضى عنى اتمنى ان حلمى يتتحقق
شكرا ليك على الموضوع