عددصفرى لمجله فضفضه النصف اسبوعيه

السلام عليكم............فى البداية تسلم إيدك يا سمسماية على المجلة و مواضيع المجلة و الفكرة الجامدة دى .
أما بقى بالنسبة لموضوع الإرتباط فله أشكال و أساليب كتيره و كل حالة من حالات الإرتباط بيبقى ليها ظروفها الخاصة بيها . فمثلا فى إرتباط بيتم عن طريق التعارف اللى ممكن يتم سواء كان فى الجامعة أو مع إبن الجيران أو مع أحد الأقارب أو فى العمل......و الإرتباط ده بيكون العنصر العاطفى فيه ليه دور كبير جداً فى بداية الإرتباط . و فى نوع تانى من الإرتباط و هو الإرتباط عن طريق الوسطاء ( ما يسمى فى بعض الأحيان بجواز الصالونات ) و ده بيتم فى صورة خلق موقف معين ليتقابل الطرفان من خلال هذا الموقف . و عنصر العاطفة فى هذه الحالة بيكون قوى بردو لكن مش فى بداية نشأة العلاقة لأن البداية فى هذه الحالة بتكون مفتعلة و مترتب لها . أما بقى مدى نجاح كل نوع من أنواع الإرتباط فده بيرجع للظروف المحيطة بكل طرف من الطرفين.....الظروف دى هى اللى بتحدد بشكل كبير إذا كان الإرتباط ده هيستمر أو لأ .

أما بقى على المستوى الشخصى فأنا أمر بتجربة على قد ما فيها من حلاوة و جمال و على قد ما أنا فى قمة السعادة بسبب مرورى بهذه التجربة على قدر خوفى من عدم إكتمال هذه التجربة للنهاية و ده بسبب الظروف المحيطة اللى أنا لسه كنت بتكلم عنها .

فأنا رجائى من كل الأعضاء الدعاء ليا إن ربنا يتم ليا التجربة دى عل خييييييير......اللهم آمين .

آسف على الإطالة يا سمسماية ......لكن بجد الموضوع يستاهل أكتر من كده كمان علشان هو موضوع الكلام فيه مالهوش نهاية .