يوميات شاب عاطل

كلنا بنسمع عن مشكلة البطالة فى مصر ومفيش بيت تقريبا فى

مصر الا وعنده شاب عاطل(على فكرة انا بتكلم عن الشعب بتاعنا مش الناس اللى بنشوفها على الدش فى القهوة )

المهم انا فكرت ازاى يكون يوم العاطل ومن هنا لاقيت شخصية ممكن نتكلم عنها شاب زى الفل معاه بكالويوس تجارة

بتقدير مقبول واسمه محروس ونشوف ازاى اخينا ده عايش يومه .

قوم بقى يا محروس المغرب اذن انت هتفضل نايم لحد امتى (ده كلام خالتك سعدية ام محروس)

يووووووووووه هو الواحد ميعرفشى ينام شوية فى البيت ده. تعبان يا ناس نايم وش الفجر (طبعا ده محروس بيه)

وبعدين بعد شد وجذب بين محروس وامه خالة سعدية يقوم المحروس من العين محروس عشان ياخد دش وياكل لقمة

ويلحق يروح يقعد على القهوة اللى فى اول الشارع.

مش عارف البنات هيفضلوا يضيقوا فى البناطيل بتاعتهم دى لحد امتى (ده عباس صديق محروس على القهوه لما

شاف مديحة بنت الاستاذ راضى مدرس التاريخ)

سيبهم ياعم خليهم يلبسوا المحذق والملذق خلينا نتفرج يعنى لا هيبقى جواز ولا حتى فرجة (ده بقى سعيد جار محروس وصديقه الانتيم)

احلوا احلوا شوفوا بقى مين اللى هيجوزكم ( رد محروس)

المهم والرجالة محروس وسعيد وعباس قاعدين على القهوة يتفرجوا على اللى رايحة واللى جاية سمعوا الاستاذ عبد

الباسط الموظف فى الحكومة بيتكلم مع الاستاذ محمدى الموظف فى الحكومة بردو

يا اخى التليفزيون والجرايد ملهاش سيرة الا عن 30% اللى قال عليهم الريس فى عيد العمال (ده الاستاذ محمدى)

سيب ياعم الشعب يهيص شوية ربنا يخلى الريس للناس الغلابة (رد عليه الاستاذ عبد الباسط)

بس تفتكر الحكومة هيجيب الفلوس دى منين انا سمعت يا محمدى ياخويا ان العلاوه دى هتتكلف مليارات والدولة

بتاعتنا يادوب على قد حالها.

رد محمدى: اكيد هيخصخصوا ويبيعوا شوية حاجات.

عبد الباسط: هو لسه فيه حاجة لسه متباعتشى؟

محمدى: طيب هيجيبوا الفلوس دى منين

وبعدين سكتوا الاتنين وبصوا لبعض شوية وكان تفكيرهم فى حاجة واحدة وهى

اكيد هيغلوا الكهربا والتليفون والنظافة وينزلوا الضرايب العقارية على الشقق.

وبعدين قالوا فى صوت واحد يعنى اللى هناخدوا باليمين هندفعوا بالشمال وسلملى على العلاوه و30%

بعدها بص سعيد لمحروس وقاله: ياترى هيجى اليوم وناخد احنا كمان

فعلا والله كلا حضرتك مظبوط جدااا
شكرا على الموضوع الجميل

شكرا يابو احميد على مرورك الكريم
نورت الموضوع

thanks kabo

كلامك مظبوط يا احمد بس اهو بقى هنعمل اية حكمة ربنا

ربنا ما يحكم على حد بقاعدة القهاوى

ميرسى يا احمد على الموضوع

eino كتب:: thanks kabo

شكرا لمرورك الكريم

romantic كتب:: كلامك مظبوط يا احمد بس اهو بقى هنعمل اية حكمة ربنا

ربنا يكرم الجميع ومحدش يقعد ابدا

sima_s كتب:: ربنا ما يحكم على حد بقاعدة القهاوى

ميرسى يا احمد على الموضوع

هيا بصراحة قاعدة القهوة جميلة
ويسلام لو قهوة زى قهوة بريكة ولا قهوة توتو
ملهمش حل بس متبقاش قاعدة على طول يعنى ممكن يوم فى االاسبوع
مش طول الاسبوع قاعد

ولسه
ربنا يسترها معانا

mstlove99 كتب:: ولسه
ربنا يسترها معانا

امين يارب
يارب يكرم كل الشباب اللى مش لاقى شغل
ويكرم البنات اللى مش لاقية عريس

هههههههههههههههههههههههههه
هههههههههههههههههههههههههههه
هههههههههههههههههههههههههههه
بجد الموضوع جااااااااااااامد اووووووووى واكيد كلنا هنعلق الشهاده
ع الحيطه ونقعد ع القهوة سواء بريكة سواء توتو اى حاجة المهم ان كلها قهاوى
وشوية شوية والقهادى تتقفل ضرائب وامر ازالة وشوية شوية هنقعد ع رصيف 18
لا بجد يا جماعه احنا ولا عاوزين نعتمد ع علاوة ولا نحط فى دماغنا الكلام ده اصلا لان بصراحة
الكلام ببلالالالالالالالالالالالالالالالالالالالالاش مش هقول اكتر من كدا
وربنا معانا وربنا يبعدنا عن قعدت الفهاوى

بجد هو موضوع رائع جدا
ربنا ميكتبها لحد ان شاء الله
وربنا يعينا اخواتنا جميعا
ويارب محدش يعد على قهوة خالص
ويارب تخلينا نستفيد بشهادتنا بدل متتعلق منظر ويروح تعبنا على الفاضي
يارب يسرلنا يارب ولجميع اخواتنا
أمــــــــــــــــــــــــــــــــــــــــيــــــــــــــــــــــــــــــــــــــــــــــــن
جزاك الله خيرا

اة فى باطلة فى مصر بس بصراحة انا مشفتش منها لحد دلوقتى وصراحة فى شغل
بس المشكلة انة مش عاجب الشباب او بيتكبر علية بس والله الشغل موجود والى يدور هيلاقى
ربنا يوفق الشباب احلى حاجة اننا مش بتفرق معانا شغل يلا ربنا معاهم

تسلم ايدك علي الموضوع الجامد ده

هي دي الحقيقه

انا سمعتهم فعلا كانوا علي قهوه الروبي