اوقفوا جدار العار

جزاك الله خيرا يا بيدو وشرفنى مرورك الكريم

Eng_Designer كتب:

بجد يا سيف مواضيعك فى قمة الجمال

وبصراحة التوبيك ده جميل اوى

بس فيه حاجة متزعلش منى انا عارف ان انت متحمس وانا كمان متحمس اوى بس برده متحاولش حد يمسك عليك غلطة علشان الرئيس مبارك انا اه متفق معاك انه معملش حاجة ولا هيعمل ديه حاجة متوقعه اساسى وكان اخر واحد رد فى موضوع غزه الاخير والحمد لله
وبصراحة اللى بيحصل فى معبر رفح واللى بنشوفه ربنا يعلم الواحد بيبقى عامل ازاى لما يشوف ع القنوات الاخباريه اللى بيحصل والانفجارات والادوية والمساعدات اللى بتخش بالعافية بعد الزل علشان يتفتح المعبر وعربيات الاسعاف اللى فيها مصابين وبصراحة الحاجه اللى زعلتنى اوى الموضوع الاخير اللى حصل واللى اسرائيل عملته والقنابل الفسفورية اللى بتحرق الانسان حرق والقنابل ديه كلها طبعا محرمة دوليا بس مع اسرائيل مفيش الكلام ده طبعا

المقاومة لن ولن ولن ولن ولن تموت

الله اكبر الله اكبر

ربنا معاكو يا اهل غزه

والله العظيم الاسرائليين دول اجبن خلق الله بيخافوا من الاطفال اللى معاهم طوب وحجارة

ودول احلى اغنيتين ممكن اقدمهم


we will not go down


Palestine Will Be Free



وجزاك الله خير يا سيف بجد ع التوبيك الهايل والصور الجميلة اوى وكتائب القسام بجد شغل روعه

جزاك الله خيرا يا منتدى طلاب جامعة المنوفية النصيحة

واشكرك على حماسك وموقفك الرائع

واسعدنى مرورك الكريم

ربنا يجزيك الف الف الف خير ياخى انت قلت الى نفسنا نقوله من زمان

الله يعزك ويذيدك حماس
وغيرة على هذا الدين

وحسبنا الله ونعم الوكيل فى كل من ظلمنا

ولا تنسو الدعاء للمسلمين المحاصرين فى غزة وشكراً

يال سيف اعتقد مش من الصح انك تقول خشئت دى على رئيس دولتك
واسماعيل هنيه ده كمان اللى عمال يتكلم ويقول لو كان بيحب فلسطين صحيح مش كلب زى الباقين كان زمانه هو وفتح اتحدوا سوا تحت جيش فلسطين مش كل واحد واخد حته وعهايز يعمل فيها زعيم
اعتقد دى مش وطنيه اصلا
واعتقد ان اسماعيل هنيه ده لا بيحب فلسطين ولا العرب ولا اى حد شكله كده هيتجنس قريب
ومين قال ان مبارك خاين او كده
امال مين اكتر دوله فى العرب قدمت مساعدات
وعربيات الاسعاف اللى كانت بتنقل المرضى والجرحى
والله حرام عليكم بقا كفايه ظلم وافتراء على الناس


انا عايز اوضح حاجه
على الرغم من اخطاء الرئيس مبارك واللى هيا قليله اوى
بس مفيش حاكم زيه فى العرب ولا العالم

ازاى قداعد يتفرج
امال مين اللى دعى اللى مصالحه بين فتح وحماس
وبعدين اخر ليه
هو مين اصلا ساعدهم علشان يبقى هو اخر واحد
سوريا ولا الاردن ولا لبنان
ولا السعوديه
مصر هى اقرب دوله لفلسطين
وبعدين لما يبقى الرئيس بتاعنا خاين يبقى احنا خونه احنا كمان
لما الرئيس يذهب لمذبله التاريخ امال مين اللى يبقى فى مناره التاريخ
اعتقد انكم مش موفقين فى الكلام ده
انا اه فيه حاجات مش عجبانى فى حكم الرئيس بتاعنا
وعلى الرغم من انه قام بعمل حاجات محدش عملها زيه
بس برده مش معنى انى مختلف معاه انى اشتم فيه واقول كلام لو بتتقال عليا لا كنت هعمنل حساب حريه ولا كلام من ده
انما مش معنى ان الواحد عنده حريه فى كتابه رايه
انه يشتم ويقول كلام مش كويس
وبعدين لما احنا نقول كده على رئيسنا منتظرين دوله زى الجزائر مثلا تحترمنا ازاى

احمد السيد ابو العطا كتب:

ازاى قداعد يتفرج
امال مين اللى دعى اللى مصالحه بين فتح وحماس
وبعدين اخر ليه
هو مين اصلا ساعدهم علشان يبقى هو اخر واحد
سوريا ولا الاردن ولا لبنان
ولا السعوديه
مصر هى اقرب دوله لفلسطين
وبعدين لما يبقى الرئيس بتاعنا خاين يبقى احنا خونه احنا كمان
لما الرئيس يذهب لمذبله التاريخ امال مين اللى يبقى فى مناره التاريخ
اعتقد انكم مش موفقين فى الكلام ده
انا اه فيه حاجات مش عجبانى فى حكم الرئيس بتاعنا
وعلى الرغم من انه قام بعمل حاجات محدش عملها زيه
بس برده مش معنى انى مختلف معاه انى اشتم فيه واقول كلام لو بتتقال عليا لا كنت هعمنل حساب حريه ولا كلام من ده
انما مش معنى ان الواحد عنده حريه فى كتابه رايه
انه يشتم ويقول كلام مش كويس
وبعدين لما احنا نقول كده على رئيسنا منتظرين دوله زى الجزائر مثلا تحترمنا ازاى

أولا

فى المشاركة الأولى بتاعتك قولت

لو كان اسماعيل هنية مش كلب زى الباقيين

فعلا أنت اسلوبك مؤدب ومحترم

وأنا أسلوبى مش محترم

يعنى أنا قولت الى مزبلة التاريخ يا مبارك وخسئت يا مبارك

وقولت الأسباب

حصار شعبل غزة عن طريق بناء الجدار الفولاذى تحت الأرض والأنفاق كانت المصدر الوحيد لغزة لكى يحصلوا على مقومات المعيشة

بعد ان اغلق الصهاينة المعابر

واغلق رئيسك ومحبوبك مبارك معبر رفح بتعاون معهم لأجبارهم على ترك المقاومة


أولا

أنا استخدمت تعبيرات زى الى مزبلة التاريخ وخسئت

وأنت تعبيراتك

أسماعيل هنية كلب

هو انا يا احمد يا ابو العطا قولت مبارك كلب

ليه يا احمد أحسن تكلم بألفاظ معبرة عن رأيك بطريقة راقية

ونسيب الكلب والجاموسة والحمار وحيوانات الزريبة

ونستخدم تعبيرات تعبر عن رأينا

ليه نستخدم اسماء الحيوانات

دى نقطة

النقطة التانية

أنتقاد الرئيس مبارك

مش علشان مبارك الحاكم أن أنا أنافق فيه وأقول أنت احسن حاكم عربى أنت مفيش زيك اتنين

أنت وأنت

لا

لما الحاكم يخطىء

لازم نقول أخطئت

لو بتكلم أن مصر ليها دور كبير على مدار التاريخ

أنا لا انكر الدور ده ومصر عظيمة وتاريخها تاريخ مقاوم ومشرف

أنا لا انتقد مصر

أنا اتتقد شخص لا يعرف تاريخ مصر

لما يحاصر أهل غزة

بحجج وكلام فاضى يضحك

أنا مش مطلوب منى أعد أتغزل فيه وأقولة أخترناك ومشينا وراك

لا

أنا لا اتكلم الا بما اعتقده دينا أرضى به ربى

وأرضى ضميرى تانى حاجة

أنا أرضى ربى وضميرى

أنا لو عجزت أن أقول كلمة الحق

السكوت هيكون شرف ليا

لكن لا يمكن هنافق الرئيس على حساب دينى وحصار شعب مليون ونصف

لا معلش

لما الغاز يصدر لأسرائيل برخص التمن

ويتحاصر أخواننا فى غزة

لا أغذرنى يا احمد يا ابو العطا

أنا مش كده وأنا أعبر عن رأيىى بطريقتى

بس استخدم الفاظ أنت استخدمتها زى كلب وأسماء الحيوانات

لا

بس هاقول رأيى

حتى مش عايزنا

نصرخ ونطلع الكبت الى جوانا

مش كفاية الذل الى احنا عايشين فية

والله الواحد أعصابه تعبانه من الى الحصار على أخوانى فى غزة

دا أحنا بس بنعبر عن الى جوانا

فى الأنترنت

أو مظاهرة

يعنى كله كلام فى كلام

مطلعناش عملنا أنقلاب على السلطة فى مصر

مرحناش فتحنا معبر رفح بالقوة

وكمان بتلومونا ان احنا بنتكلم

يعنى أنت عايزنى أكبت فى نفسى وأموت كده ومكلمش

لا كمان نجامل مبارك وننافقة

حسبى الله ونعم الوكيل

النقطة الى بعد كده

موضوع

حماس وفتح متخانقين مع بعض ومش عايزين يتصالحوا

انت قلت يا احمد

واسماعيل هنيه ده كمان اللى عمال يتكلم ويقول لو كان بيحب فلسطين صحيح مش كلب زى الباقين كان زمانه هو وفتح اتحدوا سوا تحت جيش فلسطين مش كل واحد واخد حته وعهايز يعمل فيها زعيم
اعتقد دى مش وطنيه اصلا

أولا احب يا احمد أوضحلك سوء فهم حصل عندك

دلوقتى

حماس كسبت الأنتخابات وأصبحت سلطة شرعية سنه 2006

فتح كل انتخابات بتكسب فأزاى حماس تكسب

لما تيجى فتح وتتعاون مع اليهود ضد الحكومة الشرعية المنتخبة من الشعب ( حماس ) وتعمل انقلاب على الشرعية

اى رأيك

ساعتها حماس تعمل ايه

تطبطب على فتح

واحد بيعمل انقلاب على السلطة فى فلسطين بالتعاون مع امريكا واسرائيل

كان لازم توقفه

الى حصل أن حماس ثقلها فى غزة

فطردت بتوع فتح وأصبحت هى السلطة فى غزة

وسيطرت فتح غير الشرعية على الضفة الغربية

سؤال لكل واحد منصف

مين الغلطان ومين الصح

أنتظر الأجابة منك يا احمد يا ابو العطا


أما بالنسبة للمصالحة بين فتح وحماس

التى ترعاها مصر

أولا شكرا جزيلا لمصر لأنها ترعى هذه المصالحة

لكن يا احمد المشكلة مش فى حماس

المصالحة صعبة بين فتح وحماس

فتح

ترى أستخدام المفاوضات مع اسرائيل والجلسات والأحضان والقبلات والسكة دى

حماس

ترى المقاومة هى الحل الوحيد لأسترجاع الأرض

خصوصا بعد اعتراف رموز فتح قبل أسابيع يا احمد

أن المفاوضات فشلت مع اسرائيل

الكلام دا حصل ولا ماحصلش يا احمد

مش طلع عباس رئيس فلسطين وقال المفاوضات فشلت مع اسرائيل


تانى حاجة

حماس طلبت من حركة فتح اثناء المصالحة

عدم القبض على رموز حماس فى الضفة وعدم تعذيبهم داخل السجون

فتح رفضت وقالت

اسرائيل تلزمنا بذلك

يعنى دول عملاء لليهود يا احمد

أنت اكيد سمعت عن الخمسة من قيادات حماس الى ماتوا من التعذيب داخل سجون فتح

تعذيب حتى الموت

نساء من حماس داخل سجون فتح

وحماس لم ترد الأسائة بالأسائة

لم تعتقل رموز فتح الموجودين فى غزة

ولكنها تعتقل من يتورط فى تجسس لأسرائيل


يعنى بالله عليك عايزين نكون منصفين

انت بتقول يا احمد لا زم يتحدوا ويعملوا جيش فلسطينى

أنا مش فاهم

يعنى أنت ماتعرفش أن فتح مش بتستخدم المقاومة ضد اسرائي منذ 18 عام

أزاى بقة يا احمد يتجى تقول يعملواغ جيش واحد

شوف لو حماس زى مانت بتقول مش عايزة مصالحة

كانت متخدلتش أصلا فى جلسات المصالحة

وقالت أحنا هنفضل الحكومة فى غزة والى مش عاجبة ينفلق

لكن الأستاذ الفاضل الكبير العظيم المجاهد اسماعيل هنية

قال فى خطابة

( نحن نسعى لمصالحة مع فتح ونشكر الشقيقى مصر على رعايتها للمصالحة ولمننا نريد المصالحة أن تكون حقيقية )

أنا مش عارف أنت سمعت الخطاب والا لاء يا احمد

لكن الأستاذ أسماعيل هنية وجة نداء لفتح وقال دعونا نتفق ونوجة جهودنا لمقاومة العدو الواحد

وعرض برنامج انقاذ وطنى للتعاون بين جميع فصائل فلسطين


فدا الموضوع باختصار

ولازم قبل ماتكلم يا احمد

تفهم الأمور الأول

وتابع الأخباركويس

ومترددش الكلام الى موجود فى الجرايد والكلام الى عمالين يقولوه كده وخلاص

لا نبحث الموضوع بجد

ونقول رأينا

ونتابع الأخبار بجد


وأنت بتقول يا احمد

بس برده مش معنى انى مختلف معاه انى اشتم فيه واقول كلام لو بتتقال عليا لا كنت هعمنل حساب حريه ولا كلام من ده
انما مش معنى ان الواحد عنده حريه فى كتابه رايه
انه يشتم ويقول كلام مش كويس



اى فى حرية

وهافضل اقول رأىى

بطريقتى واسلوبى

لكن مش هاشتم وانا ماشتمتش

مش هجامل يا احمد

هاقول الى يرضى ربى

وضميرى


بس


وشكرا ليك يا احمد

وشرفنى مرورك الكريم


واتمنى المناقشات دى لا تؤثر على صداقتنا أنا وانت

دا نقاش

وأن اختلفنا فى الرأى

هنفضل أخوات

احب اقولك حاجة كمان يا احمد

اسماعيل هنية الى انت بتقول عليه كلب

دا كان بيتعذب فى سجون حركة فتح

وكان دحلان الخاين بيشد شعر لحيته وينتفها

فربنا يسامحك على الكلمة دى

أنك تقول كده على المجاهدين والشرفاء

اوك يا سيف انت قلت رايك
اوك ماشى كويس
بس انا ليا تعليقات على كلامك
واولهم
انك لمحت باسلوب غير مباشر عن قله او عدم احترامى بقولك (فانت فعلا اسلوبك محترم وانا مش محترم )بلسانك
ودى انا بس حبيت الفت نظرك ليها
وكمان انى بقول الفاظ زى كلب وجاموسه انا معاك انى قلت كده
بس انا برده بستخدم تعبيرات اعبر بيها عن رايى بالطريقه اللى تعجبنى زى ما انت بتعبر عن رايك بطريقتك



دى حاجه
اما بقا موضوع انى بقول على الرئيس مبارك انه كذا وكذا وكذا وبمدح فيه فانا احب اقلك هاتلى كلمه شكر قلته فى حقه
انا كل كلامى انى طلبت اننا نحترمه لانننا اتعلمنا نحترم الكبير ونعطف على الصغير
وغير كده كمان دا رئيس دولتك يعنى الامام بتاع الامه
انا معاك انه لو غلطان اننا نقف فى وشه ونواجهه بس انت مش عملت كده انت عملت زى غلطت فيه
وغير كده بقا
منتا كمان عمال تقول الاستاذ المجاهد الفاضل العظيم
طب عرفنى فاضل واستاذ وعظيم على ايه عمله لشعبه علشان يبقى فاضل واستاذ ومجاهد
انت ممكن تقارنه بالرئيس مبارك وتشوف ده ايه وده ايه
ده مين وده مين
ميبارك غلط وله سقطات انا معاك
بس برده له انجازات
انت ازاى بتقول كلام عنه كده
وازاى ليك الحق انك بتتكلم بحريه كده
انا مش هقول اننا فى حريه تامه واننا واخدين كل حقوقنا
لا احنا بنتسرق واحنا بنتظلم واحنا بتهان فى بلدنا
بس برده ليك حقوق بتخدها
ليك مزايا مش عند غيرك


غير كده انت قلت انا عايز اسمع رايك فى موضوع حماس وفتح وانا هقلك يا سيف



بص حضرتك


قبل ما اجاوب احب اسالك سؤال
انت مع حماس ولا مع اللى بيسعى لمصلحه فلسطين


طبعا انت مع اللى يسعى لمصلحه فلسطين لانك عربى مسلم ومصرى ومتنساش مصرى دى

ماشى يعنى ايه
يعنى لو لقيت فتح هيا اللى خايفه على مصلحه فلسطين هتبقى معاها وانا كذلك
لو لقيت حماس برده نفس الموضوع
انما يعنى ايه يبقى فيه جماعتين بيتخانقوا وبيقتلوا فى بعض فى دوله اصلا مغتصبه ومحتله
ازاى دى ان واحد بيقتل اخوه وعدوه قدامه
اعتقد انك شايف الامور من جهه واحده وهيا جهه فتح
اعتقد لو ان فيه اى حد من جماعه فتح هيقول كلام برده يغلطك
غير كده
انا لا هستمع لخطاب اسماعيل هنيه ولا لغيره وعايز افهمك اجه اللى بيحب فلسطين فعلا لا هيهمه ان الناس تعرف انه مظلوم ولا ظالم
انا عندى تكون بتخدم فلسطين والناس تقول عليك خاين احسن من انك تكون فى نظر الناس فدائى وبطل وانت بتتكلم وبس
وغير كده انت اكيد يا سيف متعرفش ان قضيه فلسطين الطفل نفسه يعرف كل حاجه عنها
وانت بتقول انى مش متابع دا انا لو فتاحت بس جريده او قناه اخباريه هعرف ايه اللى بيحصل
ثانيا ايوه انا بقول جيش واحد لفلسطين ويكون اسمه جيش فلسطين علشان لما تيجوا تعملوا مصالحه مع اسرائيل يبقى بتتكلموا باسم الشعب مش باسم فئه معينه
لما حد ينضم للجيش يبقى عسكرى مش ارهابى
انما دلوقتى كله بيقول على فتح وحماس ارهابين ليه
لاانهم
مش جهه رسميه
اما الجيش الفلسطينى اعتقد انه مفيش جهه رسميه اوضح من كده



غير كده بقا يا سيف ودا الاهم
اللى مش هيخاف على نفسه محدش هيخاف عليه

وانت قلت انى مش عايزك تتكلم ولا تقول رايك
لا انا بس بعلق على كلامك واذا كنت بتزعل من الصراحه مش هتكلم بس انا برده وبقلها ليك انا زيك مش بسكت على كلمه الحق ومش بنافق

ولو هنافق يبقى السكوت افضل ليا
بس لو سكت من انى اقول كلمه هتزعلك يبقى دا النفاق بقا
انما صداقتنا ملهاش دعوه بالكلام ده ولو انت شايف انها هتتاثر بده انا اعتقد انك غلطان
لان النقاش دا بعيد عن اى حاجه يا صاحبى

يا سيف انا مش قولت حاجه بس انا عايزك تكون مع الحق ومش تنحاز لحد لاى سبب
وانا لا مع فتح ولا مع حماس
انا مع فلسطين لانى عربى ومسلم والحمد لله
وعلى فكره انا مقلتش ان مبارك ملاك ولا حاجه لا انا وضحت انه ليه سقطات
بس انا بتكلم على احترامه كرئيس
او بمعنى اصح انه الامام بتاعنا حتى لو غلطان نقله كده بطريقه كويسه فهمتنى

وعموما انا مع الحق ومش مع الغلطان
واوعى تزعل منى ابدا دا حوار عادى

لا انا مش زعلان يا احمد

وعلى فكرة ناس بتفتكر أن لما الأخوة الأعضاء يتناقشوا مع بعض ويختلفوا

تبقى مشكلة

العكس

أنا شايف أن دا شىء جميل جدا

النقاش والحوار وتبادل الأراء

مع أننا مختلفين

لكن طبعا عمر ما الخلاف يؤدى للكراهية والفرقة

أنا ممكن اختلف مع اخويا أو أبى أو أمى

لكن هفضل أحبهم وأقدرهم

وممكن اختلف معاك يا احمد ودى مش أول مرة نختلف فى موضوع

بس هتفضل صديقى وصاحبى وأخويا

قال الله

" ولا يزالون مختلفين الا من رحم ربك ولذلك خلقهم "


أرجع لما ذكرتة يا احمد

أنت عايزنى أكون مع الحق

وعايزنى لا انحاز لأحد لافتح ولا حماس

ماشى

أكيد أكيد

فى حد منهم فتح أو حماس

أكيد فى واحد على باطل والتانى على حق

فأنا لما بحثت الموضوع بجد ودون تحيز لحماس

تبين لى أن الحق فى جانب حركة حماس

ولا لأقول ذلك لأن حماس هى جماعة الأخوان المسلمين فى فلسطين

فأنا أقول كلمة الحق حتى لو كان مين هو الغلطان

لو حماس أخطئت هاقول أخطئت

لكن

بعد بحثى تبين لى أن أن الحق فى جانب حماس

وأيضا حماس تتخذ المرجعية الاسلامية

التى تحثها على المقاومة وهو فى الدين ( الجهاد )

وكما قال الفقهاء أنه واجب على أهل كل بلد أن تعرض للغزو الجهاد

يصبح الجهاد فريضة مثل الصوم والصلاة

أما فتح

فكانت تقاوم

كانت شريفة وتحمل البندقية

أنا الآن فقد تركت المقاومة وكما اعترف رئيسهم عباس لا تتخذ الا المفاوضات مع اسرائيل

ومنذ اسابيع خرج عباس المحتاس يجر أذيال الخيبة يقول

لقد فشلت المفاوضات مع اسرائيل

وهو بذلك يعترف أن المفاوضات لم تنجح

فما الحل

المقاومة


ألا أن أجهزتة الأمنية تعتقل المجاهدين فى الضفة

ةيلاقون أقسى الوان التعذيب


فليس بعد كل هذا أنتقد حماس


قد تكون لك يا احمد رؤية أخرى

لكن هذه قناعتى


الحق واحد

والباطل واحد

أما الحق مع حماس أو فتح

وأنا لا أرى أن فتح معها حق

بل أن فتح معها الخيانة والعمالة لأسرائيل

ولك ان تعرف

باعتراف وزير الخارجية الصهيونى الملعون ( ليبرمان )

الذى قال عن الرئيس مبارك فليذهب الى الجحيم
والذى هدد بقصف السد العالى

الكلام دا زمان

الصهيونى الملعون دا قال

" الرئيس الفلسطينى عباس أتصل بنا اثناء حرب غزة وطلب منا أن لا نوقف الحرب حتى كسر شوكة حماس "

والتسجيل نشر على القنوات الأسرائيلية بصوت الرئيس المنتمى لفتح عباس

يعنى خيانه ما بعدها خيانة


كل تلك الأمور تجعلنى أقول رأيى

أننى مع الحق ولست مع أحد

والحق مع حماس


وشكرا ليك يا أحمد

وزى ما قولت فوق

المناقشات دى اسلوب جميل لتبادل الأراء والخبرات

وأنا احترم وجهة نظرك

وأقدرك بشدة يا اخ احمد

ahmed radwan كتب:

بارك الله فيك يا سيف

انا مش عارف مين الى قاعد يدافع عن هذا الموقف
لا حول ولا قوة الا بالله
هذا الجدار يذكرنى بما فعله الفاشيون الايطاليون مع اسد الصحراء عمر المختارعندما وضعوا الاسلاك الشائكه والجدر بين مصر وليبيا

انا لله وانا اليه راجعون

جزاك الله خيرا يا احمد

وتشرفت بمرورك الكريم

الشاعر محمد نادر كتب:

كلنا بنحب مبارك وهنفضل نحبه يكفى انه بيجمعنا وطن واحد ودم واحد

اشكرك على أبدائك رأيك يا اخ محمد

و شرفنى مرورك

romantic كتب:

بسم الله الرحمن الرحيم بداية اقول ان اختلاف الراى لا يفسد للود قضية

فالاخوة الاعضاء احمد وسيف
كل منا لة راى يحترم

ولاكن كلنا نتجة الى الحقيقة

وهى ان فلسطين محتلة من اسرائيل

وهناك حركتين مقاومة فى فلسطين وهما حماس وفتح

وللاسف فية خلافات بينهم وزى ما قال الاخ سيف ان فتح تتعاون مع اسرائيل فى سبيل القضاء على حماس

ودى فى حد ذاتها خيانة

اى ان كان الخلاف بين طرفين فى دولة واحدة مينفعش اننا نتعاون مع العدو بتاع الطرفين

وان دل ذلك على شئ فانة يدل على خيانة فتح الممثلة فى السلطة لحماس

الاخ الكريم احمد نحن امة اسلامية لابد ان نتحد ولاكن للاسف
القادة العرب متخازلون بل منهم من يتعاون مع العدو وهو اسرائيل
وعلى رئسهم مصر دولتنا عن طريق تصدير الغاز ودة على حد علمى
وما خفى كان اعظم

كان المفروض اننا نقف وقفة صح مع فلسطين ندافع معاهم بالسلاح

لاكن حسبى الله ونعم الوكيل فى القادة العرب

وهكتفى بهذ القدر وجزاكم الله خيرا

مشاركتك نورت الموضوع يا استاذ علاء

ومعاك حق

دور مصر التاريخى يحتم عليها أنها تدعم المقاومة بالسلاح

لكن هنعمل ايه

أحنا عايزنهم بس يسسبوا الأنفاق تدخل للشعب المحاصر الأكل ومحتجياتهم

مش كمان يعملوا جدار يفصلوه

قطاع غزة كان تابع لمصر حتى الستينات

كان مصرى

يعن حكومة مصر ورئيس مصر يتخلى عن غزة بالطريقة دى




اللهم لا تؤخذنا أن نسينا أو أخطئنا

أنا كتبت المقال دا ليه

علشان أوضح موقفى

وموقف شباب كتير مثلى

يرفضون بناء هذا الجدار

لأنه سيؤدى الى كارثة انسانية فى قطاع عزة

ودول بنى آدمين

بلاش نقول مسلمين

دول بشر

مينفعش نخنقهم ونموتهم بالبطىء بالطريقة دى


بس

هو دا الا أنا باقوله







ومرورك شرف الموضوع يا استاذ علاء

يا جماعه
انا مش بقول انى مع فتح لا
انا بقول اننا سايبين عدونا وماسكين فى بعض طب ليه
يعنى نقتل ونشتم فى بعض واحنا عندنا عدو وخطر اهم وهو اسرائيل
اعتقد انكم فهمتونى غلط
وعموما
انا مع الحق واللى يكون كل همه مصلحه الدوله الاسيره فلسطين
وعلى فكره فتح وحماس فعلا بيكافحوا ضد اسرائيل بس لو مع بعض
هتلاقوا فعلا مقاومه بجد
اتمنى تكونوا فهمتونى صح
وبجد يا سيف موضوعك مهم جدا جدا