الدنيا مش بخير ابدا

السلام عليكم جميعا

أولا كل سنة وأنتم طيبين ويارب يتقبل منا الصوم
ثانيا: اللى جعلنى أكتب الموضوع ده مش باحكى عن نفسى بس والله عشان الواحد زهق من أفعال الناس
مثلا: أول يوم فى رمضان حصل قدامى موقفين حسيت أن الدنيا مش بخير زى ما الناس بتقول وأن احنا مش فى رمضان خالص ومن أول يوم كده الواحد فقد الاحساس الجميل برمضان
الموقف الأول:فى الأتوبيس:رجل كبير فى السن وشكله مريض واقف وطبعا الأغلبية اللى قاعدين شباب يعنى لسه بصحتهم يستحملوا عن الراجل ده لكن مفيش فايدة خالص والله العظيم أى حد فيكم كان شاف الراجل ده حالته عاملة ايه كان صعب عليه لدرجة أنى أنا وصاحبتى قولنا له يجى يقعد مش رضى خالص فين وفين لما واحد قام وقعده مش عشان عنده دم وفجأة ضميره صحى لأ عشان كان نازل من الأتوبيس يعنى لو كل واحد من اللى كانوا قاعدين تخيل ولو للحظة أن الراجل ده أبوه هل كان حيعمل كده؟ عجبى عليك يازمان
الموقف التانى :أمام إحدى مكاتب الصرافة :سيدة مسنة تطلب الحسنة من صاحب المكتب ولو شفتم كان بيعملها أزاىوبيكلمها من فوق لتحت دا كان ناقص تبوس ايده يعنى الكلمة الطيبة خير من ألف حسنة
سبحان الله عبد من عباد الله بيحكر من شأن آخر يااااااااه للدرجة دى مفيس أحساس ولا إنسانية
على الرغم من أن السيدة دى ممكن عند ربنا أحسن منه بمليون مرة للدرجة دى الفلوس بتعمل كده فى الناس وهو عشان ربنا أعطاه سلطة ومال يتأمر على عباد الله
لو كانت الست دى أمه كان حيرضى يحصلها كده زى ماربنا اعطاله كل حاجة ممكن يأخد منه كل حاجة

للأسف العيب مش فى الظروف الاقتصادية السيئة المحيطة بينا
للأسف العيب فينا أحنا البشر
أنشاء الله ينصر كل مظلوم وربنا يهدى الجميع

ومرة تانية كل سنة وأنتم طيبين

romantic كتب:

انا عن نفسى عمرى ما كنت اعد على كرسى وواحد كبير واقف الا لو كنت تعبان او عندى ظروف

تسلم ايدك يااثار على موضوعك اللى فعلا بيحصل داءما امامنا
بس بجد الدنيا لسه بخير عايزة تتاكدى فعلا من كده روحى اى جمعية او دار للايتام هتتاكدى ان فعلا فى ناس لسه فى قلوبهم خير وناس كتير اوى
وحاولى تشوفى الاشياء الحلوه والخير عشان تحسى بالراحه وعشان تحسى ان الدنيا لسه فيها خير
وكل سنة وانتى طيبة ياقمر ورمضان كريم

وانتى طيبة ياجميل


وشكرا على النصيحة دى وعندك حق أن الواحد لازم ينظر للنصف المليان من الكوبايه
وميرسى ياقمر على مرورك