(((( انا ))))

انا الانسان
انا عنوان مخلوق جريح
انا سؤال في كون فسيح
بسمع جواب
يمكن صريح
اناالصمود
ببكى فى ضى الليل
عايش حالة شرود
اطلب خلود
اتمني شئ ملهوش وجود
انا الامل
انا الحياة
بمشى فى طريق
اكيد مسدود
انا الخطر
فى عيون شباب
جواة الم
مليان جروح
انا الخجل
فى عيون بشر
نظراتها حقد ناسية القدر
انا الفرح
بنفاق فى ضحكة ملهاش اثر
انا احزان
بعيش وبكبر مع الايام
كابوس لعين فى كل منام
انا دموع
حابسنى جفن جوة العيون
مخلوق ضعيف مكتوم
لكنى بخرج فى رحلة سفر
انا النجاح
اسير عقول عاشقة الفشل
انا الثقة بحمى الامل
جسمى عليل من الجراح
انا الزمن
بجرى فى سباق ضد الدقايق والساعات
انا قلاع
بتحدى خوف زى السباع
رمزى ثبات اصلى شموخ
بتهز من كلمة خداع
انا الدفاع عن حلم عاش جوة الكيان
صوتى جرئ
وكلامى طالع باقتناع
انا حطام انسان طموح
انقاض صفات تشبة بساتين الورود
انا البراءة ببكى بالم
ودمعى جارح الخدود
انا الحقيقة
فى دنيا ساذجة
غاوية الشذوذ
انا الضمير
صوتى سجين
مخنوق حزين
مل السكوت
انا السراب
عشت الحياة وكانى خارج بانتصار
موهوم كبير
على حافة الدمار
انا الهزيمة
سكين بيقتل العزيمة
وبيحسسنى بانكسار
انا انتصار
حل بديل مرفوض
فى حالة الاختيار
انا سفينة
بمشى فى طريق رسماة دموعى
املى وحيد
ان الطريق يشهد رجوعى
انا طموح
صوتى طريق
فية النجاة لكل غريق
لكن من الالم مدبوح
انا الوهم
بتشدنى الكوابيس على انها احلام
انا اغلال
بتقيد الضحكة
ولاى دمعة حزن
بتبين الاجلال
انا وتر وحيد
فى الة موسيقية
بتعزف الاحزان
انا صراع
بين نفسى وبين كل اللى راح
بين ذكريات ماضى معاة كل الفرح
وبين الم
بحس بية
لما بشوف كل اللى جاى معاة جراح .

تسلملى يا صاحبى
وشكرا يا اسماء
واسعدنى مروركم جدا

انا تعبت من كتر الرد على ردودك الحلوة
بس تسلم

انا بشكرك يا علياء على مرورك الجميل وردك الاجمل


وبشكر الحب كلة جدا
وعلى فكرة فى حاجات كتير انا كاتبها فى المنتدى بس دورى عليها