قضيه انا الفتها وعاوز حلكم فيها وهقول حلى فى الاخر خالص

السلام عليكم ورحمه الله وبركاته

كان اولى بالسيد العضو المحترم ان يعرض قضيته عرضا صحيحا بدلا من ان يسخر من مواضيع التعارف


ثانيا اشكرك على اضافتك شيئا جميلا وهو هذه القضيه

ولكن السؤال الذى يدور الان هل (ب) قتل وحده ام ماذا حيث انك اغفلت ذكر ركنا هاما فى الجريمه وهو الركن المادى المتمثل فى جريمه الضرب

ممما يؤدى إلى اهذار هذا الاتهام فى مجمله وعليه فليس هناك علاقه سببيه بين القتل وبين (أ)


ثم كيف لنا ان نقر ان (ب) قتل ثم بعد هذا نتكلم فى عدم وفاته فقد كان اولى بكاتب هذه القضيه ان يتكلم عن ضرب افضى إلى موت فى اعتقاد الفاعل



ثانيا استاذى الفاضل محمد الغنام

فى حاجه مهمه فى القانون الجنائى وهو ارتباط الجريمه بجريمه اخرى

فأولا علينا ان نكيف الجريمه الاولى وهى الضرب المبرح بالعصى
هل هيا جنحه ام جنايه وإن كان فى الغالب ان جرائم الضرب جنح وليست جنايات

ثانيا ننظر للجريمه الثانيه وهى اخفاء جثه بدون علم الحكومه

ثالثا ننظر لجريمه القتل وهى جنايه

وعليه فتكيف الجريمه جنحه ضرب اقترنت بجنايه قتل فى صورتها المشدده جوازيا حسب اعمال القاضى للقانون حيث ان الفاعل قد دفن المجنى عليه وهو على قيد الحياه

وعليه فإن المنسوب للمتهم جنحه مقترنه بجريمه


فى حاله عدم العمد يعنى مفيش سبق اصرار وترصيد

يعاقب طبقا لنص الماده

مادة 234 :-

من قتل نفسا من غير سبق اصرار ولا ترصد يعاقب بالاشغال الشاقة المؤبدة او المؤقتة .

ومع ذلك يحكم على فاعل هذه الجناية بالاعدام اذا تقدمتها او اقترنت بها او تلتها جناية اخرى ، واما اذا كان القصد منها التأهب لفعل جنحة او تسهيلها او ارتكابها بالفعل او مساعدة مرتكبيها او شركائهم على الهرب او التخلص من العقوبة فيحكم بالاعدام او بالاشغال الشاقة المؤبدة .

" وتكون العقوبة الاعدام اذا ارتكبت الجريمة المنصوص عليها فى المادة 234 تنفيذا لغرض ارهابى "

وتكون كذالك العقوبه الاعدام طبقا لنص الماده 230


من قانون العقوبات



ويا استاذ محمد حامد الغنام

ارجوا ان يكون ردى المتواضع يكون قد حل قضيتكم

وارجوا منكم عدم السخريه من مواضيع القسم


وشكرا

يا حبيبى انا عارف طريقه دكاترة السادات اوساتذه الجنائى بالذات
وعلى التحديد الدكتور سامى الشوا العميد


بتاع شبين

واحب اقولك شيئ ان طريقه وضع المساله ملهاش غير الحل ده

واى حل تانى غلط وده مفيهوش كلام

لان دى نصوص مواد يا غالى


ثانيا لو الدكتور حسام شاف القضيه دى كده وحلها يبقى حرام


ليه انا اساسا حلتها من بابا انى بشرحها لكن القضيه غلط

هقولك على شيئ اطلع على كليه حقوق بنها فى دكتور جنائى هناك اسمه الدكتور شرف الدين

وفى الدكتور ابراهيم التمساحى وده مستشار

اسئلهم فى القضيه لو حد رضى يحلها اساسا يبقى فى كلام

بلاش ده

روح طنطا فى الدكتور محمود طه ادخله واسئله

وطبعا انا حتى الان مقولتلقش روح للدكتور بكرى يوسف اللى هو استاذ الجميع ودة دكتور عنده 79 سنه فى جامعتى

ده حيبص فى القضيه ويقوم يمشى
ومش حيعلق


بص يا محمد انا عمرى ما كتبت كلمه غير وانما متاكد منها

فعيب قوى كلمه انا مش حقول رايك صح ولا غلط

وعموما يا سيدى ربنا يوفقك وبعد كل ده انا مش دكتور جنائى انا دولى


بس حقولك شيئ مهم لو اى شخص حلها غير كده يبقى غلطان مائه فى المائه


ومع السلامه

انا من رايى بعد ما شوفت ارائكم ان دى جريمه قتل مع سبق الاصرار والترصد ودا للاتى
اولا انه ضربه بالعصا قاصد انه يموت او قاصد القتل
ثانيا بناءا على ضربه وموت المجنى عليه حب انه يخفى الجريمه باخفاء الجثه وان كانت مازالت على قيد الحياه وان سبب الوفاه هو الدفن
هنا القصد الجنائى موجود وهو القتل العمدمع اختلاف اداه الجريمه فى الحاله الاولى والثانيه
والله اعلم