كن صديق حقيقى

السلام عليكم جميعا


الصداقة !!!! هل من ااسمها تدل على الصدق :idea: :idea:

كنت ديما باسمع جد تى تقول أن أيام زمان كان كل شئ أحسن من دلوقتى فى كل حاجة
كان فيه إخلاص ووفاء فى الحب ومراعاة الآخرين والصداقة وإلخ
فى الصداقة كمان حتى الصداقة بتتغير مع الزمن ممكن!
بس ده متوقف على الشخص نفسه أن يكون صديق حقيقى ولا بالإسم وصحيح دلوقتى قليلين الأصدقاء الأصليين
يعنى ممكن تكون أنت وواحد صاحبك أصدقاء طول عمركم والناس كلها عارفة كده
بس ممكن تكون صداقة بالأسم فقط
يعنى أنت صديقى عشان أنت صديقى
مش عشان مواقفنا الحلوة والمرة مع بعض
ولا عشان أسرارى كلها معاك
ولا عشان بتفهمنى من غير ما أتكلم ولاأحكى
ولا عشان ممكن أنت تكون بتتعامل مع الناس مثلا فى شغلك كأنك لابس ماسك عشان الروتين
يعنى مش على طبعتك ولا الكاركتر الحقيقى ليك
لكن بتنسى الروتين والكلام ده كله وأنت مع أصحابك
ممكن تكون أنت وواحد أصحاب من زمان وفجأة تحس أنه متغير مش ده الشخص اللى أنا عرفته

طبعا فيه أصدقاء حقيقين بس غالبا بيكونوا الجندى المجهول فى لعبة الحياة غالبا مابيحاولوا يسعدوا غيرهم على حساب سعادتهم
يسمعوك من دون مقاطعة
ينصحوك بدون بخل ولا تكبر
رأيهم يكون صواب ليك مش زى أصدقاء السوء اللى ممكن يدخلوك سكة اللى يروح مايرجعش
يحسسوك بقيمتك

ساعات بتحصل أنك مثلا تعمل حاجة عشان خاطر صاحبك
وتلاقى رد فعله مش اللى انت كنت متوقعه منه
ممكن تحس أن مجهودك اللى عملته كأنه ضاع على الفاضى

بالعكس أنت لما تعمل له حاجة ولو بسيطة ترسم البسمة على شفتيه حاتخسر ايه
أنت الكسبان أيوه
لأن غير أنك كسبت حسنات فى ميزانك
لو فكرت أنت عملت كده ليه
هل منتظر منه كلمة شكرا لو عليها ممكن أى حد يقولها دى كلمة سهلة عادى
ولا عملت كده عشان تسعده
فى اللحظة دى يبان معدنك أنت معدن أصلى ولا من أبو رخيص
هل أنت صديق حقيقى ولا نص كم

على فكرة أنا عن نفسى باعترف أنى كنت مش صديقة حقيقة مية فى المية وأنى كنت مقصرة فى حق أصدقاء لى

بس مش عيب أنك تغلط كلنا بشر المهم تعترف بالغلط
الحمد الله أدركت قيمة النعمة اللى ربنا أعطاهلى فى أصدقاء حقيقن ربنا يحفظهم
الإنسان مش بيعرف قيمة الحاجة غير لما يحس أنها حاتضيع منه

نصيحة :لو حد مزعل صاحبه ولا حدة مزعلة صاحبتها تقوم تصالحها
واللى عنده صديق يتمسك بيه وميستغناش عنه لإخر عمره
ده لو يستاهل فعلا

تسلمى يااثار ياقمر على موضوعك الجميل
ويارب نكون ديما اصدقاء حقيقين