( باعترف لك )
حبى كان مش ليكى إنتى
حبى دا كان ليها قبلك
ومّا غابت عن عيونى
إفتكرت الحب مات
واما جيتى وشفتك إنتى
قلت لك : إنك حبيبتى
وابتديت اعشقها فيكى
واما جت بعنيها شاورت
قلبى فاتك يوم ما رجعت
واتنسى إحساسى بيكى
كان ضرورى لما اقابلك
إنى اقول لك واعترف لك
حبى كان مش ليكى إنتى
حبى دا كان ليها قبلك
باعترف لك
باعترف إنى جرحتك
جرح قاسى مايتنسيش
باعترف إنى ظلمتك
ظلم ناره ماتنطفيش
***
كنت فاكر .. حبى ليها راح معاها
وما غابت قلبى ضاع منه هواها
غصب عنى .. قلبى شافها راح وراها
وسابك انتى
ساب غرامك .. ساب حنانك
رجَّع الماضى اللى فيها وباعك انتى
إكرهينى .. إجرحينى داوى جرحك
لو تعاتبى أو تحاسبى ..
برضه اسامحك
بس حقك لما اقابلك
إنى أقول لك واعترف لك
حبى كان مش ليكى إنتى
حبى دا كان ليها قبلك
باعترف لك
منقول