مكرونة بالباشميل

الاكلة دى مخصوص لنور

نبتدى الشرح

اولاالمقادير

1- كيلو مكرونة اقلام

2-نصف كيلو لحمة مفرومة

3-3 معالق سمنة او زيت

4-لتر شوربة او لبن او ماية

5-التوابل (فلقل اسمر _ملح _فلفل اخضرقطع صغيرة_ بصل مبشور)وكمون حسب الرغبة

6-3 بيضات



ثانيا الطريقة

بتعسج اللحمة

بتحط حبيت زيت او سمنة فى الطاسة وبتكون مخرط بصلة بتقلبة شوية فى الزيت لحد ميتغير لونها لدهبى

بتضيف اللحم على البصلة ولما يتغير لونها شوية تضيف الفلفل الاسمر والفلفل الاخضر بعد متكون مقطعوة

والملح ولو بهرات انت بتحبها لحد متستوى اللحمة تطفى عليها وكدة نكون انتهينا من التعسيج



المكرونة

بتجيب الحلة اللى هتسلق فيها المكرونة وتحط فيها لنصفها ماية او بعد النصف بشوية تكون مغطية المكرونة


نسيبها على النار لحد متغلى مع التقليب المستمر عشان متلزقش فى الحلة وبعدين نضيف الملح وبعد كدة

ممكن ندوق وحدة عشان نتاكد من انها استوت لو اتاكدنا فعلا بنصفى الكرونة بالمصفة وبنغسلها بالماية

ونسيبها فى المصفة



اهم خطوة

وهى الباشميل

بنحمر الدقيق فى 3 معالق سمنة مع التقليب المستمر وبعدين نضيف لتر الشوربة وبردو نقلبها

فى حالة اضافة ماية للدقيق بنضيف ملح ومرقة دجاج

بعد كدة بنرفع الحلة من على النار وبنسبها تبرد بعد ما تبرد نقوم ضيفين 3 بيضات وفلفل اسمر

او كمون بس كدة



اخر حاجة بقي بنعملها بنجيب صينية وندهنها حبة زيت صغنين خالص ونجيب طبق ونقلب فيه

نصف الباشميل او اكتر من النصف بشوية بالكرونة كلها ونحط طبقة اولة من المكرونة اللى

قلبنها فى الصينية المدهونة زيت وبعدين نحط اللحمة المفرومة وبعدين نحط الطبقة الباقية من

المكرونة يتبقى وش الكرونة ودة ليه طريقتين

1-اللى بالبيض وبنقوم بوضع بيضة مع بقايا باشميل والفلفل الاسمر دة اساسى مع البيض

وبنرشها على الوش

2-اللى بالصلصة بنبشر حباية طماطم يعنى وحدة بس فى حبة زيت ويفضل تتحمر فى

مكان تعسيج اللحمة المفرومة ونرشها على وش المكرونة

بنضع الصينية فى الفرن لحد ميكتمل السوى طبعا بنشم ريحتها وبنعرفها من شكلها

بـــــــــــــــــــــــــــــــــــــس كدة وبالهنا والشفا


دة الشكل النهائى