دى بعض النصائح للبنات اللى مخطوبه وهتخرج مع خاطبها لاى مطعم

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًا

2-
العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة
وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة..
لقمة.. بالعافية.. قال يعني نفسك مسدودة.. اضغطي على أعصابك جداااوبعدين
لما تروَّحي.. إبقي حِفِّي زي ماانتِ عايزه....

3-
الشوووربة.. أبوس أيدك.. بند الشوربة ده مهم جدًا.. الشوربة تتشرب من غير
صوت خالص.. ومن غير ماتقعدي تنفخي فيها.. زي القهوجي اللي بينفخ فالحجر
للزبون..

بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....

4-
الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق
الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5-
المكرونة.. الاسباكتي.. برضه بالشوكة.. تتلف على طرف الشوكة.. لحد ماتخلص
وبعدين تحطيها ف بؤك من سكات.. مش تشفطي المكرونة عود عود..

6-
السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من
النص.. بالطول وبعدين تفردي اللحم ع الجانبين ولما تخلصي ناحية.. متقلبيش
السمكة.. متبقيش فلاحه.. شيلي السلسلة بالشوكة والسكينة وحطيها ف جنب
الطبق وكملي أكل النص التاني.. وبدل الفيلم الهندي ده.. نصيحة.. ماتكليش
السمك خالص.. قولي مابحبش السمك وخلصي نفسك..

7- الجمبري..
-إذا كنتي عارفاه-.. أول ماطبق الجمبري ينزل.. بصيله بقرف واحتقار
شديدين.. آل يعني زهقانة من كتر أكل الجمبري الجامبو ف بيت ببا.. وأتنهدي
جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف
عرضك إنسي المصمصة دلوقت..

8- البطاطس سواء مسلوقة أو
محمرة.. أوعي تهرسيها وتدبيها ع الرز وتدي .لا..لآ...لآ...بالشوكة حتة حتة
وإنت زي ما تكوني هاتعيطي من كتر ماالبطاطس صعبانة عليكي..

9-
الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي
مقفولة.. وبعدين ف طفاية السجاير اللي ع الترابيزه.. أوعي ياحبيبتي من
نظام التفتفة للبذر.. إنسي....

10- ولما تخلصي أكل تحطي
إيدك على بطنك.. -اللي عصافيرها بتصوصو من العينات اللي كلتيها-.. وتقولي
له مش ممكن.. أنا عمري ما اتفجعت كدة.. أناأودامي أسبوع.. هابطل أكل
فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..

وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي..
و بالهنا و الشفا

لان البنات بيعملوا نفسيهم اتكيت وحنينين وكلها رقه
وهى من جواها غير كده خالص وتعيش علينا دور الاتكيت ..........يالا
معلش بقى هو نصيبنا احنا كده يا رجاله ف البنات

هههههههههههههههههههههههههههههههههههههههههههههه

دمك خفيف والله بس اعتقد ان البنات اللى هنا عندهم رد تانى

تقبل مرورى

شكرا على مرورك الجميل يا روح قلبى

هههههههههههههه
بس يارامى البنات هما اللى صنعين الاتيكيت
تسلم على موضوعك دمه خفيف بجد

مشكوره يا هناء على مرورك الجميل

ههههههههههههههههههههه حلو اوى الموضوع يا رامى تسلم ايدك انا كنت هموت من تخيلى للمنظر

بس هيا لازم تكون كده قدام خطيبها والا...................مش هكمل

بعدين بقى يكتشف الحقيقة المرة هههههههههههههههههه

كده يبقى وقع فى شر اعماله

ومن اعمالكم سلط عليكم

هههههههههههههههه منكم نستفيد

مشكور على المرور يا جميل

ههههههههههههههههههه

كلامك زى العسل بس مش كل البنات بيبقوا كده
وبعدين احنا مالنا خطيبها يستحمل بقى مش هو اللى اختار خليها تتطلع القديم والجديد عليها

مشكوره على مرورك الجميل

رايك صح يا بنوته لان مش فى اتين فى الدنيا تفكيرهم واحد

هههههههههههههههههههههههه ماشى يا رامى مسيرك تتدبس كدة

موضوعك حلو اوى

لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا

يا بنتى انتى بتكلمى اى حد ولا ايه انا خبره فى الكلام ده وبعدين هى صراحه بطبيعتها عسوله ورقيقه

واثار قالت ان مش كل البنات ينطبق عليهم الكلام ده

وانا معاها فى رايها

merc kter ya ramy bgad mawdoaa raa gedaa

ميرسى ليكى يا نيولوف

وميرسى كتير لكل شباب علوم لانى بعزهم جدا

وخصوصا انتى وبسمه

فين الردود يا شبابنا

عاوزين ننشط الموضوعات القديمه علشان الاعضاء الجدد

elmagic is back again