كرسي الاعتراف

خلاص يا شباب حصل خير

نرجع تاني و نسأل مني

ليه يا مني ما ردتيش علي الرساله بتاعتي ؟

حصل خير يا مصطفى انا مش بزعل ولا حاجه بس انا برضه استسمحتكم
وانت مش قبلت انا اعمل ايه

وهو برضه يعني انا مش هقول طبعا يعني كل حاجه عني دي خصوصيات ولا ايه

بنسبه ليكي يا الاء بجد انا مش عارفه اقولك ايه بس متزعليش مني
عشان مردتش عليكي بجد سوري
بس الرساله بتاعتك كانت نفس اسئلتهم الي مردتش عليها
طبعا احنا اصحاب وكل حاجه بس انا طبعا هرد عليكي بس كانت عاوزه لما نبقى اصحاب اكتر

واانا هقوللك وتقوليلي بعيد عن الشباب الي هنا
مش قصدي اهانه خالص

وبجد انا مكنتش عارفه اقوللك ايه بجد متزعليش مني يا لولو
وقوليلي انك مش زعلانه

طيب

خلاص بقى يا مصطفى

نطلع احنا منها بقى خالص

ونسيب البنات لوحدهم

اهلا بيكى يامنى على كرسى الاعتراف
1- ماالذى تتمنية الان ؟
2-اكتر شى بتحبية فى الدنيا ؟
3-اية اكتر صفة بتحبيها (تتمنى )انها تكون فى شريك حياتك؟
4- اية اكتر صفة بتكريها فى الشباب وفى البنات؟
5-لو حد جرحك فى يوم ممكن تسامحى بسهوله ولا لا؟

سورى ياقمر لو طولت عليكى باسئلتى.

romantic كتب:: طيب

خلاص بقى يا مصطفى

نطلع احنا منها بقى خالص

ونسيب البنات لوحدهم

[size=24]ايه يا علاء انت زعلت طيب ليه
عموما متزعلش وسوري بس انا مش عارفه عملت ايه[/size]

منوره معانا ياlove_story

بس انا عندي اقتراح صغير ممكن تطلعوني من على الكرسي عشان انا شكلي بزعل ناس كتير
وانا بجد مش عاوزه ازعل حد

قولولي ها اكمل من غير محد يزعل ولا هتزعلوا تاني

اية يا بنتى هو انتى كل حاجة تاخديها جد
انا بهزر مع مصطفى وكمان بعلق على كلامك مع لولو

مش كل حاجة تخديها جد كدة يا منى

خليكى فرى وايزى عادى بقى

ويلا جاوبى على هناء

اوك يا علاء
انا كنت خايفه اكون زعلت حد وشكرا على التوضيح يا كابتن
وخلي بالكم بعد كده هاخد اي حاجه هزارررر
ههههههه

love_story كتب:: اهلا بيكى يامنى على كرسى الاعتراف
1- ماالذى تتمنية الان ؟
2-اكتر شى بتحبية فى الدنيا ؟
3-اية اكتر صفة بتحبيها (تتمنى )انها تكون فى شريك حياتك؟
4- اية اكتر صفة بتكريها فى الشباب وفى البنات؟
5-لو حد جرحك فى يوم ممكن تسامحى بسهوله ولا لا؟

سورى ياقمر لو طولت عليكى باسئلتى.

[size=18]

اتمنى ربنا يهديني

اكتر حاجه بحبها اهلي ربنا يخليهم

الصفات كتير الي اتمنى انها تكون موجوده فيه
بس اهم حاجه انه يكون حنون وبيحبني اكتر من اي حاجه في الدنيا

اكتر صفه مش بتعجبني في الشباب الانانيه الموجوده في كتير منهم بس مش كلهم
البنات بقى طبعا هما مفهمش حاجه وحشه
هههههههه
لاء طبعا الصفه الكلام الكتير والنفخه الكدابه

بصي لو حد جرحني انا زمان كنت مفكره نفسي انه لوحد جرحني ممكن اسمحه
بس اكتشفت اخيرا اني مش بسامح على طول
في حاجات متعرفيش تسمحي فيها

[/size]

ازيك يامنى عاملة ايه بصى أنا حاسأل فى الخفيف دلوقتى

س:أكتر حاجة بتكرهيها ؟وليه
س:أنت فى كلية تربية صح طب قسم ايه؟
س:من قائل هذه العبارة(تكلم حتى أراك)
خيارات (أرسطو -سقراط -سعد الصغير)
أكمل(احنا مش حانروح لكأس العالم كأس العالم هو اللى حايجيلنا فى ..........
خيارات(حلة ألومنيوم-عربية B.M.W-تاكسى)
س:لومعاكى موبيل أنت فودافون ولا أم نبيل(موبينيل يعنى)
س: ايه الحلم اللى اتحققلك وايه الحلم اللى ماتحققش)
ايه رأيك فى أحمد عز بتاع الحديد بس؟
بس كده شوفى بقى أنا متساهلة معاكى أزاى ورجعالك تانى بس جاوبى من غير غش ماشى ياقمر

اول حاجه كل سنه وانتم طيبين
وبعدين يا اثار انتي مش واثقه فيا ولا ايه طبعا هغش

اكتر حاجه بكرها الانسان الحقود ليه عشان هو حقود

قائل العباره ارسطوا كان حلم ان سعد الصغير هيقولها في يوم من الايام فقلها قبل سعد الصغير مع حفظ حقوق الملكيه

اما كاس العالم دي حكايه كبيره اوي

اول حاجه الكاس احتمال كبير يجي في طياره
وفي منتصف طريقه الينا يختل توازن الطياره وتسقط
ولكن نطمئن الشعب الي مش واخد حاجه من ده كله ان الكاس في اتم الصحه والعافيه
ولكنه اصيب بخدوش بسيطه نقل على اثرها الى اقرب مستشفى بافخم عربيه لكي نطمئن
الشعب الي مش لاقي ياكل ان صحه الكاس تمام
ومن ثم عالج اكبر الدكاتره هذه الخدوش البسيطه
ومن ثم قال الكاس الى اين انا ذاهب قلنا الى شعب مستني اي حاجه عشان يفرح ويتشعلاء بيها
ضحك الكاس سخريه من هذا الشعب وتعالي عليه وقال
لاء طبعا انا لا اريد ان اذهب الى شعب مش عارف يتنفس غير في الحاجات الفاضيه
ولكن طبعا على مين دا احنا المصريين اكلناه فول وطبعا نام وهذا هو حال المصرين بعد الفول
ونقل بعدها وهو نائم بتاكسي الى ارض الكنانه
ادعوا بقى معانا لما يصحا ميعملش ضجه وعموما كد كده ادام جه هنا مش هينطق

هي دي كل الحكايه يا اثار لو عاوزه اي استفسار قولي وانا اشرح تاني بتفصيل اصل ده كان الموجز

الحلم الي اتحقق اختي كانت تعبانه شويه والحمد الله ربنا انقذها

ايه الحلم الي متحققش كتير اوي وانشاء الله هيتحقق

احمد عز عندنا منه كتير ومن فكر نصدر شويه

انا مش زعلانه يا مني

بس مستنيه برضه ردك علي الرساله

غلاسه بقي Very Happy

قوليلي بقي

ايه رأيك في ايران و مع ام ضد ؟

ايه رأيك في الاخوان و المسلمين و مع ام ضد ؟

لو معاكي مليون جنيه هتعملي بيهم ايه ؟

ايه مقترحاتك للنهوض بحال البلد ؟

قولي 5 حاجات مش عجباكي في المنتدي

قولي 5 حاجات مش عجباكي في نفسك

بتقري كتير ؟

بتقري ايه و لمين ؟ و ايه اخر كتاب قريتيه ؟

قولي كمان 5 حاجات مش عجباكي في نفسك Very Happy

ايه رأيك في دكتور رضوان ؟ طب هو لا دكتور عبد المنعم ؟

دخلتي الكليه بمزاجك ولا مجموع ؟

و ليه اختارتي قسم الانجلش ؟

طب كنتي ادبي ولا علمي ؟ و مجموعك كان كام ؟

ازيك يا لولو
لاء يا قمر مش غلاسه ولا حاجه هقوللك انشاء الله

اسئلتك كلها حلوه

حلوه اسئله مع اوضد فكرتني بفيصل في الاتجاه المعاكس

انا مع اوضد ايران
طبعا مع تكفي انها دوله اسلاميه بعيدا عن مذهبها

مع اوضد الاخوان المسلمين
مش مع او ضد
لانهم مش كل حاجه بيعملوها صح بس انا مع اي حد يقدر يفيد الدوله بجد

لو معاي مليون جنيه هعمل مدرسه على قدي وجميله
والتعليم فيها بجد بجد

مقترحاتي لنهوض بالبلد
السؤال ده حسسني اني حاجه جامده شكرا على الاحساس ده يا لولو
هعدل الكرفته وقول مقترحاتي
التعليم التعليم وتطبيق الاسلام بسماحته واخلاقه والله لتكون احسن دوله لو عملنا كده

5 حاجات مش عجباني في المنتدى
المنتدى جميل بيكم وهو هيكبر انشاء الله وديما في تقدم
يعني مفيش حاليا كله جميل

5 حاجات مش عجباني في نفسي
قله الاعتماد على نفسي في اوقات كتير بعتمد على اهلي
لو حد قلي اي كلمه ولو بسيطه بزعل اوي في نفسي ومش بقوله واعد لوحدي اعيط
ولو حاجه بقى كبيره اعيط قدام اي حد ودي اكتر حاجه بديقني في نفسي
متقلبه المزاج
عصبيه شويه
واهم حاجه بقى تئنيب الضمير على الكبيره والصغيره زهقت من كتر مبحاسب نفسي

اما للقرأه انا بقرأ كتير اي حاجه تقبلني اقرئها
حتى مجلات اختي الصغيره بقرأه قبليها كل عدد

اخر كتاب قرأته الاربعون عسجديه لدكتور ابراهيم الاقصم

دخلت الكليه بمزاجي طبعا

لاء يا قمر انا مش قسم انجليزي
انا كنت علمي

ألف سلامة على أختك يامنى

ثانيا يارب الأحلام بتاعتك تتحقق كلها
وبلاش حكاية كأس العالم دى بتجيب اكتئاب
بس على فكرة انت بتاكلى الاسئلة زى ما علاء قال بالظبط ومينفش تاكلى احنا فى رمضان

انا ليا تعقيب علي اجابتك يا مني

ازاي انتي مع ايران في كل اللي بتعمله ؟

يعني ازاي معاها و النووي اللي بتعمله ؟

و الخراب اللي ناوياه ؟

نسيتي تقولي مجموعك في الثانويه العامه

الله يسلمك يا اثار
سامحيني سقط سهوا هههههههه

بصي يا لولو طبعا مع ايران
هو اصلا في حاجه لسه متخربتش كله الحمد الله
يعني مهما كان مش هيبقى زي اسرائيل وامريكا

بلعكس بقى دوله ايران دي بتعجبني موت والمفروض كل الدول تكون زيها
يعني لو كلنا كده بنقف في وش اكبر دوله ماكنش حالنا بقى كده

مجموعي كان
95

واي اسئله اخرى
مش هاكل حاجه تاني عشان رمضان اوك يا اثار

[size=24]ماشى يامنى رمضان كريم

هما سؤالين عشان خاطر رمضان
س:حتعملى ايه أول يوم فى رمضان
س:من قدوتك فى الحياة؟ وليش[/size]

انا عايز علاء يقعد على الكرسى

ومالك واثق من نفسك كدة لية

سيب الناس تكمل اسالتها الاول

وبعدين انت اللى مرشح للكرسى بعد منى

انشاء الله دي هتكون اخر الاسئله يا مصطفى وبعدا ترشحوا

الله اكرم يا اثار
هعمل ايه النهارده هصوم وبابا هيخرجنا بعد الفطار نصلي ونتمشى شويه

القدوتي
اكيد سيدنا محمد صلى الله عليه وسلم
اما في الناس العاديه
كتير اوي اي شخصيه ناجحه بعتبرها قدوتي وبحاول اقلدها طبعا في الحاجات الي مش عندي

يعني تقدري تقولي في ناس كتير اوي قدوتي وعلى رأسهم طبعا بابا

ايه ياجماعة فين منى ؟
مين اللى متولى قيادة الكرسى
عاوز ين نتفرج Smile

احنا لسة هنرشح من جديد حد يعد على الكرسى

انا بقول مصطفى يعد على الكرسى

كل واحد يقول رئية

هههههههههههههه انا شخصيا مع رومانتك على طول معلش يا درش بقي

وأنا بقول مصطفى برضه

يلا يا معلم عرفنا بنفسك