اسئلة رخمة و اجابات ارررررررررخخخخخخخممممممم

ليه ابوتريكة بيلبس فانلة 22 ؟
عشان 21 ضيقة عليه

طب ليه مبيلبسش 23 ؟
عشان فلافيو بيلبس 23

طب ايه هو الحيوان التعيس؟
القطة
ليه؟
عشان ديما تخربش ومتكسبش

طب ايه الحيوان اللي دايما مشغول؟
الخرتيت .. تيت .. تيت

طب ايه الحيوان اللي بياكل ويشرب بديله؟
كل الحيوانات بتاكل وتشرب بدلها .. عمرك شفت حيوان ساب ديلو وراح ياكل؟

طب ايه اقدم حيوان؟
الحمار الوحشي .. عشان ابيض واسود

طب ايه هو اجدد حيوان؟
القنفد .. ليه ؟
عشان بشوكه

طب ليه التلاجة غبية؟
عشان بتحفظ الاكل .. مبتفهموش

ليه التعبان بيحط عدسات لاصقة؟
عشان مالوش ودان يحط عليها النضارة

ليه الكدب دايما بيركب عربية؟
علشان مالوش رجلين يمشي عليها.

إيه أسرع حاجة بتيجي من أي مكان في الدنيا؟
الجون بييجي في ثانية.

إيه آخرة كل شيء؟
الهمزة اللي على السطر.

إيه اللي بيفصل بين الحياة .. والموت؟
مش الواو، لأ، النقطتين اللي قبلها.

ليه فريق (دينا) هبط للدرجة التانية؟
علشان الأهلي ما رضيش يديله (نقطة) في آخر ماتش.

ليه الصعيدى بينزل الميه فى الشمس؟

عشان مش مشترك فى الأهلى

ليه الصعيدى بيلبس شرابات خضرا ؟
عشان خضرا لابسة شراباته

صعيدى واقف فى الشمس و معاه دودة ليه؟

عشات الدكتور قال له اقف فى الشمس دقائق معدودة

لية الصعيدى بيحط خيارة تحت المخدة؟

عشان لو حط طمطماية هتتفعص

10 صعايدة فى غواصة غرقوا ليه؟

سمكة خبطت عليهم

ليه الفراعنة بنوا 3 اهرامات بس ؟

عشان الشلن يقضى

ايه هوا المشروب المفضل للفراعنة ؟

لاااااااااااااااااااا موووووووووووون

ايه هوا الحيوان اللى مشغول علطول ؟

الخرتيت تيت تيت تيت تيت

ليه الصعيدى الصغير اذكى من الصعيدى الكبير؟

عشان ما بقالوش كتير صعيدى

ازاى تعرف البواب الصعيدى ؟

بينضف الاسانسير كل دور

صعيدى لغى معاده معى الدكتور ليه ؟

عشان عيان

واحد صيدلى اتمسك ليه ؟

عشان بنى دور اكسترا

صعيدى شرب قهوة شرق ليه؟

الكراسى وقفت فى زوره

حاجتين سود بينهم حاجة بيضة ايه ؟

عثمان احمد عثمان

ليه الست الصعيدية مابتشربش ميه طول فترة الحمل؟

عشان القفل اللى فى بطنها ما يصديش

ليه الأهرامات منتعشة ؟

عشان قدامها ابو الهولز

كتكوت بيعدى الشارع ليه؟

عشان كتكوت معدى

ليه الصعيدى بياخد معاه سكينة وهو مسافر؟

عشان يشق طريقه

صعيدى حب يزور ال10 دولار عمل إيه؟

جاب 100 دولار و شال الصفر

ليه الصعيدى بيشرب الدوا قبل معاده؟

عشان يفاجىء الجراثيم

ليه الصعيدى بيحط لبن على عمارته من فوق ؟

عشان تبقى ملك

ليه الفراعنة حاطين فى الهرم حديدة من فوق؟

عشان يرفعوه منها و ينضفوا تحتيه

لما الفراعنة بيعملوا حادثة بيقولوا ايه؟

يا ساتر يا رع

ايه اللى يحصل لما البيسين يفضى ؟

مازينجر يطلع

طب ايه اللى يحصل لو مازينجر ما طلعش؟

ابو الغضب هيستولى على العالم

شوية حاجات رخمة كمان ...

إيه قمة الأدب ؟

إنك تخبط على باب الثلاجة قبل ما تفتحه ..

إيه قمة الدهشة ؟

إن حد يرد عليك من جوة ؟

إيه قمة الحيرة ؟

إنك تكون في غرفة دائرية و يتطلب منك إنك تقعد في الركن ..

إيه قمة الذكاء ؟

إنك تلاقي الركن و تقعد فيه ..

إيه قمة الهدوء ؟

إنك تسمع شريط فاضي ..

إيه قمة العبط ؟

إنك تعيد حته عجبتك في الشريط ..

موضوع جميل جداااااااا يا سعيد

حلو اوى الاسئبة تسلم ايدك