متى استطيع ان احب؟

السلام عليكم ورحمة الله وبركاتة
يا جماعة دا مش موضوع بس استطلاع اراء وبما انكم اكبر منى احب اعرف من وجة نظر كل واحد فيكم
امتى الواحد يحب والشروط المطلوبة للحب بالنسبة للبنت او للولد؟

وعن نفسى بشوف ان اكيد الحب ملهوش ميعاد وبيجى لوحدة بس اكيد
العقل بيفكر ويدى شارة للقلب عشان يوافق انة يحب
ومن اهم الشروط يكون مخلص الكلية ومكون نفسة ومستعد انة يخطبها عشان ميعذبش نفسة

وبالنسبة للبنت تكون خلصت كليتها ومخطوبة ومتحبش اى حد كدة عشان اكيد هتقع فى مشاكل
فبلاش وجع قلب ليها ولا لية استنوا لما تكونوا جاهزين للارتباط وخدوا الخطوة بجد
انا عارفة ان كتير هيعارضنى بس انتوا الاكبر واحب اعرف وجة نظركم

معلش بتقل عليكم

اولا انا احب اقول بالنسبة للولد
ان الحب الاول بيبقى سهل شوية وفى اغلب الاوقات ما بيبقاش حب بيبقى فرحه انه اتعرف ع بنت او حبها
الواحد يحب لما البنت اللى بيحبها حاسس انه بيفكر فيها علطول وبيبقى نفسه يكلمها 24 ساعه فى ال 24 ساعه ولما يسبها مثلا يبقى حاسس انه عاوز يرجعلها تانى وميقدرش يستغنى عنها ولا حتا ثانية ويكلمها علطول وبيبقى حاسس بسعاده واحساس عمره ما جربه فى حياته قبل كدا فى الوقت ده يبقى بيحبها لكن لو عاش الاحساس ده مثلا كام يوم وبعد كدا بقا الموضوع عادى كدا يبقى مش حب
ع فكره يا جماعه الحب ده احساس جميل اوى والانسان بيبقى فى سعاده الواحد ميقدرش يوصفها ولو مثلا عرفت واحد قبل ما يحب وبعد شوية حب بنت هتلاقيه متغير فى تصرفاته وعلطول يكون سرحان وكدا بس
انا كنت عاوز اقول ان بصراحة مشجعش البنت انها تتجوز او تتخطب من غير حب لان اغلب المشاكل اللى بين المتجوزين بيبقى مفهموش بعض وكل واحد يقول الحب ييجى بعد الجواز وكدا لا بصراحة ده غلط فى غلط
ياريت يا جماعه الانسان اللى بيحب انسانه يكون بيحبها بجد ويتاكد من احساسه لان ع اد ما الحب جميل ع اد ما بيوجع اوووووووى
معلش بعتذر انى طولت عليكم

طبعا هو الحب بالنسبه للولد مش ينفع خالص غير بعد ما يخلص كليته

وعموما ربنا يوفق الجميع

بس يا شباب

مينفعش الحب الاعمى

يعنى الحب لازم يكون فى اطار الظروف المحيطه علشان منتعبش

وشكرا لكاتب الموضوع

لان الموضوع مهم

متى استطيع ان احب؟ 561706

نايس توبيك يا قمراية

و فى نفس الوقت صعب اوى انك تقول رأيك فى توقيت الحب و على فكرة عجبنى اوى رأى عبد الرحمن

و اكيد بردو حلو رأى مصطفى دبوس ان لازم نربط الحب ده بالظروف المحيطة بينا

بس بالنسبة لرأى ..... اولا انا عمرى ما شوفت حد حب بجد و لاقيته خطط للحب ده لكن فجأة بيلاقى نفسه متعلق بالحد التانى ده و يعنى مش قادر يستغنى عنه او يعنى can't help it

لكن بيكتشف انه بيحب و حاسس ان الشخص ده هو اللى بيكمله و عايز يكمل حياته معاه و لازم يعترف بده اولا ثم بعد ذلك بيبدأ يبص للظروف اللى بيتكلم عنها مصطفى و مدى نجاح هذا الحب او هذا الارتباط و ربنا يوفق الجميع طبعا

و طبعا اهم من كل ده ان يكون الطرف التانى بيبادله نفس الشعور و الا هيكون حب من طرف تالت و بمجرد ما يتأكد ان الحب ده متبادل بيبدأوا بقى هما الاتنين يشوفوا هيتصرفوا ازاى او على اى اساس

فانتى يا حبيبتى مش المفروض تسألى احب امتى لانك مش هتعرفى انتى هتلاقى نفسك بتحبى و ان شاء الله ربنا يكرمك و يوفقك للى فيه الخير ليكى ان شاء الله

و سورى على الاطالة و تقبلى بساطة مرورى

تسلموا يا جماعة على الاراء الجامدة دى
وان شاء الله اعمل بيها
كل سنة وانتم طيبين