فن مخاطبه الاطفال بالطريقه الحديثه

فن مخاطبة الأطفال

فن مخاطبة الاطفال موضوع يحتاج بالفعل لمؤتمر وجلسات عمل لأن العيال الأيام دي محتاجة طريقة حوار وتعامل غير اللي اتربينا عليها زمان ، العيال الأيام دى وصلوا ، والعالم مفتوح على بعضه مش زينا اللى اتربينا على القناة الأولى والتانية بالتيلة

خلاص مينفعش تقول للعيل دلوقتي العصفورة قالت لي

وفتنت لي عليك

عصفورة إيه وهو بيفهم في الموبايل بتاعك أحسن منك ؟

ومينفعش تخوف العيل بأبو رجل مسلوخة

لأنه هايدخل على جوجل و يعمل سيرش عن معنى أبو رجل مسلوخة وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال.

مينفعش تعاقبه بأنك تأومه من أودام فيلم بيحبه وبيتفرج عليه..

لأنه هايشوفه تاني يوم على نفس المحطة الصبح وإنت ف الشغل

ويخليك زي قرطاس الجوافة.

عايز تعاقبه

نزل له فيروس على الجهاز بتاعه ودمر له الوندوز وقول له الجهاز مش ها يتفرمط ويتعمل له ست أب من أول وجديد ألا لما يتعدل ويشوف مذاكرته و يبقى محترم وبنى آدم.

لما تعوز تدلعه وتكافؤه على تفوقه

مينفعش تجيب له بندقية صيد وكوره وكتب م المكتبة الخضراء والجو القديم ده كله

تجيب له( DSL) ممكن تظبطه بويب كام جامده تدخل علية (LCD بسكرين)

مينفعش لو أبنك سألك عن حاجه منتش عارفها تألفله أى أجابة من دماغك

بعد يوم ولا اتنين هايعرف الإجابه الصحيحة م التليفزيون ولا النت وساعتها هيبقى منظرك عامل زي العدة الأريكسون 688 لما يسألك أقعد معاه ع النت ودور معاه ع الأجابة المظبوطة و بلاش قلة قيمة

وأوعى تفهم الواد إن الرياضة هى أهلي وزمالك

بلا نيلللللا.. على رأى ماري منيب لأنه دلوقتى عارف لعيبه ريال مدريد والأرسنال وعارف
أسعارهم كمان .

وأذا طلب رأيك ف أكلة دليفرى م اللى بياكلوها الأيام دي

أوعى تقول له: يعنى أيه دى لأ خليك أب روش هز دماغك بألاطه وقول له.. حلوة طحن ياااد

ههههههههههههههههههههه
جامدة اوى ياعلاء
بس تصدق فعلا ده حقيقى الاطفال بقوا مش اطفال ابدا
تسلم ايدك ياجميل

ماهو الزمن اتغير
ولازم الاطفال يتغيروا

امال انتى فاكرة اية

وميرسى على مرورك يا جميل

ازيكم عاملين ايه

والله فعلا كلامك صح يابنى

ههههههههههههه
كويس والله

معدش فية اطفال زى زمان

حلوه طحن ههههههههههههههههه

هههههههههههههههههه لا بجد حلوة اوى التربية دى دة انت هتبقي اب روش طحن ههههههههههههههه
تسلم ايدك يا علاء

هههههههههههههههههههههههههههههههههههه
لا جامدة مووووووووووووووووووت
وبجد هو دة اللى بيحصل والله
عيال متكحرتة
ربنا يسترها على عيالنا

ميرسى جدا يا جماعة على الردود الجميلة اوى

واتمنى تكونوا اتبسطوا بيها

قشطه ياسيادة المدير

موضوع تستاهل عليه بوسه

ولا افولك اول لما اشوفك بقه