شوية نكت (إضحك)

واحد بخيل اوى بيقول لولاده لو نجحتوا السنة دى هوريكوا عربية الايس كريم

واحد بخيل بردة قال لولادة لو نجحتوا السنة الجاية هنفخلكوا الكورة

عيل كل يوم ينزل للبقال اللى تحت بيتهم ويقولوا عمو عمو عند لب يقولوا اه يقولوا طب هاتلى مصاصة
كل يوم على كدة لحد ما الراجل اتخنأ فقابل ابوة قام قاله ياحج حسن ابنك كل يوم يقولى عندك لب اقولوا اه يقولى طب هات مصاصة قالو خلاص عندك عصايا قالوا اه قالوا خلاص اضربوا قلمين

مرة واحد راح عزة رجع سلوى

مرة واحد نزل بسين طلع بصاد

واحد صعيدى نزل المدينة لاقى الشباب لابسين تيشرتات مكتوب عليها ميرندا - كوكاكولا- فانتا
قام لابس الجلابية وكتب عليها عصير قصب

مرة واحد نازل من بيتهم شعرة منكوش صحابه قابلوه قالولوا اية دة دانت شعرك منكوش قالهم منكوش دعوة

3 اطفال راحوا محل لعب اول طفل قال لصاحب المحل عمو عمو عايز بلونة قالو حاضر ياحبيبى قام جايب السلم وطلع جاب البلونة من فوق الرف ونزل سأل الطفل التانى قالو وانت ياحبيبى عايز اية قالو بلونة قالو طب مقولتش لية مانا كنت فوق المهم طلع جاب البلونة وهو فوق سأل التالت قالو وانت عايز بلونة برضو قالو لا المهم الراجل نزل
قالوا مال عايز اية قالو عايز بلونتين....

واحد احول بدل مايعيط ريل وبعد ما ريل الريالة طلعت على عينة

اتنين قاعدين على السطح بيحششوا ففى واحد طلع جرى وقال الحق يا ابراهيم بيتكوا وقع وامك واخواتك ومراتك وعيالك ماتوا قام باصص لصاحبة وقاله انا كدة ماليش حد فى الدنيا انا لازم انتحر وطلع فوق سور الدور العاشر وناطط
وهو مابين التامن والسابع افتكر ان امة ميتة من زمان وهو مابين الخامس والرابع افتكر انة وحيد وهو مابين التالت والتانى افتكر انه مش متجوز وهو مابين التانى والارضى قال يااااااااااااااااااالهوى دانا مش اسمى ايراهيم

كلب بلدى ماشى فى الشارع فشاف كلب بوليسى فى رقبتة الرخصه وشكلة نظيف كدة
قام قايل ااااااه لو كنت كملت تعليمى

واحد حرامى راح يسرق شقة اول ما الحرامى دخل دخل على المطبخ قعد ياكل ونسى نفسة خالص
الست صاحبت الشقة تخينة جدا شافتة قامت مسكاه وقعدت علية وندهت على ابنها ياواد يامحمد روح نادى ابوك
قام الحرامى قاله بسرعة يامحمد

واحد وخطيبتة قاعدين فى الجنينة فخطيبتة بتقولوا سعيد ماتقولى كلام حلو قالها بس كدة ....
انتى لبن - انتى قشطة - انتى زبدة - اقولك انتى البقرة كلها.....

TARETTA P.C

حلوين اوى يا نور

عايزين المزيد

هههههههههههههههه
جامدين يا نور تسلم

عايزين تانى يابرنس

جميل جدا ياريت المزيد

ههههههههههههههه عسل اوى النكت اللى فى الاخر حلوة

هههههههههههههههههههه
حلوة اوي يانور
فعلا الامتحانات كانت ماثرة على الكل
ويارب دايما تكونوا فرحنين وفي سعادة ومع بعض متجمعين
وننتظر المزيد يانور