هبل البنات والشباب

الايام دى بالذات العلاقات العاطفية كترت حتى مع الاطفال

بس الاطفال مايتحسبوش على تصرفاتهم اللى يتحاسب الكبار اللى زينا كدة

هبل البنات بقى فى اية ؟

اى اتنين حبيبة بيتكلموا فى التليفون ( دا اساسى )

لو البنت حست ان صوت حبيبها متغير شوية تقوم مفزوعة وتقولة مالك ياحبيبى صوتك متغير لية

مانت كنت كويس امبارح - اية اللى جرالك - انت عيان - متقول يا حبيبى - مالك يابابا - طب انت حاسس باية

والحبيب اساسا مفهوش حاجة كل الموضوع انة لسة صاحى من النوم

المهم بعد معناه لما الولد ياخد فرصة عشان بفهمها انه مفهوش اى حاجة

يبدأ بقى الحوار فى الحب انت وحشتنى اوى

ولأ واية تقعد بقى تفييش علية دانا امبارح نايمة وانا حاضنة صورتك (اية الهبل دة)

دانا كسلت اقوم الحمام عشان مقطعش تفكيرى فيك (اية القرف دة)

دانا اكلم مع نفسى امبارح على اساس انى بكلم معاك

دا على اساس ان هية بتعرفة انها متعلقة بية اوى وهية هتلاقيها اساسا بتنام من المغرب

والجديد بقى فى العلاقات العاطفية دى ان اللغة الانجليزية كترت اوى

يعنى مثلا لو هية مع حبيبها فى الجامعة وخلصوا محاضراتهم وكل واحد فيهم مروح

تقولوا see you اية see you دى انتى من امريكا وجاية مصر زيارة

ولا Take care دى والله العظيم دا هبل

لما يروحوا بقى طبعا كل واحد فيهم بيجرى على التليفون

تقوم مكلماه وتقولوا انت وحشتنى اوى مع انه كان لسة معاها

وبعد ما يخلصوا كلام فى التليفون تقولوا نفس الكلمة اللى قالتهالوا فى الجامعة see you

وبعد ده كلة تقولوا ( لا إله الا الله ) طبعا هو هيقولها ( محمد رسول الله )

وتقوم بعتالوا بوسة باى ياحبيبى ( طبعا صاحبنا بيدوخ اول مايسمع صوت البوسة )

يقوم مهطل زيها ويقعد يعمل غرميات مع المخدة طول الليل

يبقى دة هبل ولا مش هبل

على فكرة دة فى بعض البنات عشان الزعل وبعض الشاب

بس والنبى مش دة اللى بيحصل انا عايز آرئكوا فى الموضوع دة