حوار جامد موووت " حدد شخصيتك وادعيلى "

بسم الله الرحمن الرحيم
يا جماعة ده إختبار صغير من خلاله هتعرف سمات شخصيتك بس خليك معايا للآخر
دلوقتى أشرحلكم الخطوات
انا هقول كام موقف كده على هيئة سؤال وانتم تجاوبم عليها فى ذهنكم وفى الآخر هقولكم كل موقف من دول هيعرفكم شخصيتكم إزاى
يلا نبدأ
القسم الأول من المسابقة
تخيل معايا كده انك فى غابة أوصف شكل الغابة دى وأيه شعورك وانت فيها ......... تمام
بعد ما تخيلت الغابة ووصفت شعورك فيها وانت ماشى فى الغابة دى لقيت فنجان أوصف شكلة وقولى انت هتاخدة معاك ولا لأ ..... بيس
بعدين .. وانت ماشة طلعلك أسد قولى أزاى انت هتتعامل معاه .... ده كله فى ذهنك طبعاً
وبعدين .... وانت ماشى قابلتك بحيرة , أوصف شكل البحيره وايه اللى هتعمله لما تشوفها ..... اوك
دلوقتى إحنا خلصنا الجزء الأول من المسابقة ... أفتكر إجاباتك كويس علشان هندخل على الجزء التانى حالاً...... يلا نبدأ
دلوقتى انت فى صحراء .. أوصفها وكمان تخيل شعورك وانت فيها ..... تمام
وبعدين ... لقيت صندوق ، أوصف شكله ولو فتحته هتلاقى أيه جواه .... متذهقوش وخليكم معايا للآخر ,, أوكشن
وانت بتكمل مشى لاقيت سلم خشب .... أوصف شكلة ، ولو وقفت علية هيشيلك ولا لأ ......... بيس
بعد كدة ..... لاقيت حصان قولى إزاى هتتعامل معاه وأيه موقفك منه .... أوك
وبعدين .... وانت ماشى لاقيت صور كبير ملهوش أول من آخر يعنى انت مش شايف نهايته ولا من فوق ولا من على الأجناب .. إزاى هتتعامل معاه
وبكدة يبقى انتهت مسابقتنا تعالوا يلا أشرحلكم أيه دلالات المواقف اللى فاتت دى
أولاً : الصحراء والغابة دول الحيا اللى انت عايشها شوف بقى انت وصفتها إزاى وكان أيه شعورك ناحيتها
ثانياً : الفنجان ده .. الناس اللى انت بتقابلها فى حياتك ، شوف انت وصفته ازاى وياترى أخدة معاك ولا لأ
ثالثاً : أما الاسد بقى فهو المشاكل اللى انت بتقابلها فى حياتك شوف بقى انت إتعاملت معاه ازاى ... اوكى
رابعاً : البحيرة دى هى حياتك العاطفية شوف بقى انت إتخيلتها ازاى وكان اية شعورك ناحيتها
خامساً : الصندوق ده انت من جواك شوف انت وصفته ازاى ولما فتحته لاقيت ايه .... ياريت نكون فاهمين
سادساً : أما عن السلم فهو الأصحاب شوف بقى يا سيدى انت وصفته ازاى وياترى هيشيلوك ولا ..... أيه
سابعا : الحصان بقى هو صديق عمرك شوف بقى انت اتعاملت معاه ازاى
وأخيرا : السور الكبير أوى ده هو مستقبلك ، ياترى اتعاملتوا معاه ازاى
وهى دى حياتك ... وهى دى شخصيتك
وياريت تقولولى ايه رأيكوا فى الموضوع ده
وألى اللقاء فى مواضيع أخرى

جامد جدا جدا يا شبرا

دة انا لاقيت نفسى عاجن الدنيا فى حياتى واصحابى وحياتى العاطفية والمشاكل ههههههههههه تقريبا كل حاجة متبهدلة عندى

شكرا يا باشا اختبار شديد شديد

موضوع جميل
بس لو زى ما انت بتقول كده يبقى الحياه هتبقى ميه ميه

ميرسى مووووت ليك يا subzero على أهتمامك بالموضوع
ومش مهم انك تكون نجحت فى الاختبار كله
المهم انك تعرف من خلاله أخطائك وتحاول انك تعالجها فى المرات اللى جايه
وعلى العموم انت أكيد حد كويس آخر حاجة
ودى مش نهاية الدنيا يا كبييييييييير

1000 شكر يا أبو حميد على أهتمامك بالموضوع
ودى حاجه كويسة ان الدنيا تكون مية مية
المهم انها تفضل كدة على طوووووووول
مش كده ولا أيه يا مان

تسلم ايدك يا سبرا على الموضوع

اختبار جميل ياشبرا تسلم ايدك

موضوع رائع ياشبرا بجد شكرا لمجهودك والي الامام دايما

ميرسى مووووووووت يا enass2 ويا love_story وكمان يا newlove على إهتمامكم بالموضوع وياريت دى متكونش مجاملة انتو بجد رفعتو من روحى المعنوية
انا والله كونت خايف مووووت ان الموضوع مش يعجبكم

لا طبعا ازاى عجبنا طبعا وعيزين نشوف باقى الابداعات

1000 شكر يا enass2 على ذوقك العالى
وانا بقى محضرلك موضوع جامد آخر حاجة

شكرا على الموضوع الجامد دة بس كدة الحياة سهلة اووووووووووووى

أولا شكراً يا محمد على اهتمامك بالموضوع
وبعدين الحياه أصلاً سهلة بس احنا اللى مصعبنها على نفسنا شويتين

نيس توبيك يا شبرا موضوع جامد بجد

مستنيين اضافاتك الجامدة يامان

بس ليا ملحوظة صغنونة
ازاى سلم فالصحرا وخشب
انا تخيلتة لكن مشالنيش بما ان ما فيش حاجة يسند عليها

ممكن يكون التشبية بعيد الى حد ما عن الصحاب

نيس توبيك يامان ودايما من تميز لتميز اكبر

جميل الاختبار ده ياشبرا تسلم ايدك

شكراً يا أريج على اهتمامك بالموضوع
بس أحب أوضحلك حاجة
السلم ده مجرد تشبيه مجازى
وبعدين يا ستى ممكن يبقى سلم مجوز
يعنى سلمين فى بعض وبيتفتحوا

ميرسى ليكى موووووووت يا منى على قراءتك للموضوع
ويارب يكون الموضوع عجبك