حوار جامد آخر حاجه " حدد شخصيتك وادعيلى "

بسم الله الرحمن الرحيم
يا جماعة ده إختبار صغير من خلاله هتعرف سمات شخصيتك بس خليك معايا للآخر
دلوقتى أشرحلكم الخطوات
انا هقول كام موقف كده على هيئة سؤال وانتم تجاوبم عليها فى ذهنكم وفى الآخر هقولكم كل موقف من دول هيعرفكم شخصيتكم إزاى
يلا نبدأ
القسم الأول من المسابقة
تخيل معايا كده انك فى غابة أوصف شكل الغابة دى وأيه شعورك وانت فيها ......... تمام
بعد ما تخيلت الغابة ووصفت شعورك فيها وانت ماشى فى الغابة دى لقيت فنجان أوصف شكلة وقولى انت هتاخدة معاك ولا لأ ..... بيس
بعدين .. وانت ماشة طلعلك أسد قولى أزاى انت هتتعامل معاه .... ده كله فى ذهنك طبعاً
وبعدين .... وانت ماشى قابلتك بحيرة , أوصف شكل البحيره وايه اللى هتعمله لما تشوفها ..... اوك
دلوقتى إحنا خلصنا الجزء الأول من المسابقة ... أفتكر إجاباتك كويس علشان هندخل على الجزء التانى حالاً...... يلا نبدأ
دلوقتى انت فى صحراء .. أوصفها وكمان تخيل شعورك وانت فيها ..... تمام
وبعدين ... لقيت صندوق ، أوصف شكله ولو فتحته هتلاقى أيه جواه .... متذهقوش وخليكم معايا للآخر ,, أوكشن
وانت بتكمل مشى لاقيت سلم خشب .... أوصف شكلة ، ولو وقفت علية هيشيلك ولا لأ ......... بيس
بعد كدة ..... لاقيت حصان قولى إزاى هتتعامل معاه وأيه موقفك منه .... أوك
وبعدين .... وانت ماشى لاقيت صور كبير ملهوش أول من آخر يعنى انت مش شايف نهايته ولا من فوق ولا من على الأجناب .. إزاى هتتعامل معاه
وبكدة يبقى انتهت مسابقتنا تعالوا يلا أشرحلكم أيه دلالات المواقف اللى فاتت دى
أولاً : الصحراء والغابة دول الحيا اللى انت عايشها شوف بقى انت وصفتها إزاى وكان أيه شعورك ناحيتها
ثانياً : الفنجان ده .. الناس اللى انت بتقابلها فى حياتك ، شوف انت وصفته ازاى وياترى أخدة معاك ولا لأ
ثالثاً : أما الاسد بقى فهو المشاكل اللى انت بتقابلها فى حياتك شوف بقى انت إتعاملت معاه ازاى ... اوكى
رابعاً : البحيرة دى هى حياتك العاطفية شوف بقى انت إتخيلتها ازاى وكان اية شعورك ناحيتها
خامساً : الصندوق ده انت من جواك شوف انت وصفته ازاى ولما فتحته لاقيت ايه .... ياريت نكون فاهمين
سادساً : أما عن السلم فهو الأصحاب شوف بقى يا سيدى انت وصفته ازاى وياترى هيشيلوك ولا ..... أيه
سابعا : الحصان بقى هو صديق عمرك شوف بقى انت اتعاملت معاه ازاى
وأخيرا : السور الكبير أوى ده هو مستقبلك ، ياترى اتعاملتوا معاه ازاى
وهى دى حياتك ... وهى دى شخصيتك
وياريت تقولولى ايه رأيكوا فى الموضوع ده
وألى اللقاء فى مواضيع أخرى[b]

shoubra كتب:: القسم الأول من المسابقة
تخيل معايا كده انك فى غابة أوصف شكل الغابة دى وأيه شعورك وانت فيها ..

تكون خضرة وفيها ورد كتير
شعورى ادام فى مكان زى دة اكد هكون مبسوطة

بعد ما تخيلت الغابة ووصفت شعورك فيها وانت ماشى فى الغابة دى لقيت فنجان أوصف شكلة

شكله عادى صغنون وياريت يكون فيه قهوة

وقولى انت هتاخدة معاك ولا لأ ....

ادام فى قهوة هخدوة اكيد

بعدين .. وانت ماشة طلعلك أسد قولى أزاى انت هتتعامل معاه .

اسد مرة وحدة هخاف وممكن اموت من الرعب

وبعدين .... وانت ماشى قابلتك بحيرة , أوصف شكل البحيره

شكلها جميله ولونها ازرق

وايه اللى هتعمله لما تشوفها .....

لما اشوفها هعد اعمل زى الافلام وارمى فيها طوب

دلوقتى إحنا خلصنا الجزء الأول من المسابقة ... أفتكر إجاباتك كويس علشان هندخل على الجزء التانى حالاً...... يلا نبدأ

اوك

دلوقتى انت فى صحراء .. أوصفها وكمان تخيل شعورك وانت فيها ..

صحرا مش بحب الجو دة .........
شعورى هبقي زعلانة ومش مبسوطة

وبعدين ... لقيت صندوق ، أوصف شكله ولو فتحته هتلاقى أيه جواه .

صندوق مش عارفة بس اى ان كان شكلة مش بحب افتح حاجة لقيتها فى مكان غريب لانى خوافة

وانت بتكمل مشى لاقيت سلم خشب .... أوصف شكلة ،

ما انت قلت خشب اوصف ايه تانى

ولو وقفت علية هيشيلك ولا لأ .......

اكيد لو خشبه قديم مش هيستحمل بس سلم فى الصحرا غريبة شوية دى هطلع عليه ليه اصلا

بعد كدة ..... لاقيت حصان قولى إزاى هتتعامل معاه وأيه موقفك منه .

حصان نفسى اركبه بس مش اكون لوحدى اكون مع حبيبي

وبعدين .... وانت ماشى لاقيت صور كبير ملهوش أول من آخر يعنى انت مش شايف نهايته ولا من فوق ولا من على الأجناب .. إزاى هتتعامل معاه

مممممممم صور بالسين يا فالح

مش هعمل حاجة هستنة معجزة من عند ربنا

شكراً يا إيناس على ترتيبك
هى دى اإداره ولا بلاش
لموضوعى بس كونت حابب أعرف ردك
ورد الناس اللى فى المنتدى

حلو طبعا تسلم ايدك

شكراً على مرورك يا إيناس
بس يا ريت حد تانى يقيم الموضوع

تسلم ايدك على الموضوع الجامد ده

بس انت قلبت المواجع شوية واهلا بيك فى المنتدى

شكراً يا زينه على أهتمامك بالموضع
ومعلش بقى لو كونت قلبت المواجع
والله بجد مش قصدى